𑁧. 𑀲𑀼𑀤𑁆𑀥𑀺𑀓𑀲𑀼𑀢𑁆𑀢𑀁

𑁪𑁩𑁮. 𑀏𑀓𑀁 𑀲𑀫𑀬𑀁 𑀪𑀕𑀯𑀸 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺 𑀚𑁂𑀢𑀯𑀦𑁂 𑀅𑀦𑀸𑀣𑀧𑀺𑀡𑁆𑀟𑀺𑀓𑀲𑁆𑀲 𑀆𑀭𑀸𑀫𑁂 …𑀧𑁂… 𑀪𑀕𑀯𑀸 𑀏𑀢𑀤𑀯𑁄𑀘 𑁋 ‘‘𑀕𑀦𑁆𑀥𑀩𑁆𑀩𑀓𑀸𑀬𑀺𑀓𑁂 𑀯𑁄, 𑀪𑀺𑀓𑁆𑀔𑀯𑁂, 𑀤𑁂𑀯𑁂 𑀤𑁂𑀲𑁂𑀲𑁆𑀲𑀸𑀫𑀺. 𑀢𑀁 𑀲𑀼𑀡𑀸𑀣. 𑀓𑀢𑀫𑀸 𑀘, 𑀪𑀺𑀓𑁆𑀔𑀯𑁂, 𑀕𑀦𑁆𑀥𑀩𑁆𑀩𑀓𑀸𑀬𑀺𑀓𑀸 𑀤𑁂𑀯𑀸? 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀫𑀽𑀮𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀲𑀸𑀭𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀨𑁂𑀕𑁆𑀕𑀼𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀢𑀘𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀧𑀧𑀝𑀺𑀓𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀧𑀢𑁆𑀢𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀧𑀼𑀧𑁆𑀨𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀨𑀮𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀭𑀲𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀲𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀕𑀦𑁆𑀥𑀕𑀦𑁆𑀥𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀸. 𑀇𑀫𑁂 𑀯𑀼𑀘𑁆𑀘𑀦𑁆𑀢𑀺, 𑀪𑀺𑀓𑁆𑀔𑀯𑁂, 𑀕𑀦𑁆𑀥𑀩𑁆𑀩𑀓𑀸𑀬𑀺𑀓𑀸 𑀤𑁂𑀯𑀸’’𑀢𑀺. 𑀧𑀞𑀫𑀁.