𑁯. 𑀆𑀤𑀺𑀢𑁆𑀢𑀲𑀼𑀢𑁆𑀢𑀁

𑁬𑁧. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. ‘‘𑀭𑀽𑀧𑀁, 𑀪𑀺𑀓𑁆𑀔𑀯𑁂, 𑀆𑀤𑀺𑀢𑁆𑀢𑀁, 𑀯𑁂𑀤𑀦𑀸 𑀆𑀤𑀺𑀢𑁆𑀢𑀸, 𑀲𑀜𑁆𑀜𑀸 𑀆𑀤𑀺𑀢𑁆𑀢𑀸, 𑀲𑀗𑁆𑀔𑀸𑀭𑀸 𑀆𑀤𑀺𑀢𑁆𑀢𑀸, 𑀯𑀺𑀜𑁆𑀜𑀸𑀡𑀁 𑀆𑀤𑀺𑀢𑁆𑀢𑀁. 𑀏𑀯𑀁 𑀧𑀲𑁆𑀲𑀁, 𑀪𑀺𑀓𑁆𑀔𑀯𑁂, 𑀲𑀼𑀢𑀯𑀸 𑀅𑀭𑀺𑀬𑀲𑀸𑀯𑀓𑁄 𑀭𑀽𑀧𑀲𑁆𑀫𑀺𑀫𑁆𑀧𑀺 𑀦𑀺𑀩𑁆𑀩𑀺𑀦𑁆𑀤𑀢𑀺, 𑀯𑁂𑀤𑀦𑀸𑀬𑀧𑀺… 𑀲𑀜𑁆𑀜𑀸𑀬𑀧𑀺… 𑀲𑀗𑁆𑀔𑀸𑀭𑁂𑀲𑀼𑀧𑀺… 𑀯𑀺𑀜𑁆𑀜𑀸𑀡𑀲𑁆𑀫𑀺𑀫𑁆𑀧𑀺 𑀦𑀺𑀩𑁆𑀩𑀺𑀦𑁆𑀤𑀢𑀺. 𑀦𑀺𑀩𑁆𑀩𑀺𑀦𑁆𑀤𑀁 𑀯𑀺𑀭𑀚𑁆𑀚𑀢𑀺; 𑀯𑀺𑀭𑀸𑀕𑀸 𑀯𑀺𑀫𑀼𑀘𑁆𑀘𑀢𑀺. 𑀯𑀺𑀫𑀼𑀢𑁆𑀢𑀲𑁆𑀫𑀺𑀁 𑀯𑀺𑀫𑀼𑀢𑁆𑀢𑀫𑀺𑀢𑀺 𑀜𑀸𑀡𑀁 𑀳𑁄𑀢𑀺. ‘𑀔𑀻𑀡𑀸 𑀚𑀸𑀢𑀺, 𑀯𑀼𑀲𑀺𑀢𑀁 𑀩𑁆𑀭𑀳𑁆𑀫𑀘𑀭𑀺𑀬𑀁, 𑀓𑀢𑀁 𑀓𑀭𑀡𑀻𑀬𑀁, 𑀦𑀸𑀧𑀭𑀁 𑀇𑀢𑁆𑀣𑀢𑁆𑀢𑀸𑀬𑀸’𑀢𑀺 𑀧𑀚𑀸𑀦𑀸𑀢𑀻’’𑀢𑀺. 𑀦𑀯𑀫𑀁.