𑁧𑁧. 𑀧𑀪𑀗𑁆𑀕𑀼𑀲𑀼𑀢𑁆𑀢𑀁

𑁩𑁨. 𑀲𑀸𑀯𑀢𑁆𑀣𑀺𑀦𑀺𑀤𑀸𑀦𑀁. ‘‘𑀧𑀪𑀗𑁆𑀕𑀼𑀜𑁆𑀘, 𑀪𑀺𑀓𑁆𑀔𑀯𑁂, 𑀤𑁂𑀲𑁂𑀲𑁆𑀲𑀸𑀫𑀺 𑀅𑀧𑁆𑀧𑀪𑀗𑁆𑀕𑀼𑀜𑁆𑀘. 𑀢𑀁 𑀲𑀼𑀡𑀸𑀣. 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀧𑀪𑀗𑁆𑀕𑀼, 𑀓𑀺𑀁 𑀅𑀧𑁆𑀧𑀪𑀗𑁆𑀕𑀼? 𑀭𑀽𑀧𑀁, 𑀪𑀺𑀓𑁆𑀔𑀯𑁂, 𑀧𑀪𑀗𑁆𑀕𑀼. 𑀬𑁄 𑀢𑀲𑁆𑀲 𑀦𑀺𑀭𑁄𑀥𑁄 𑀯𑀽𑀧𑀲𑀫𑁄 𑀅𑀢𑁆𑀣𑀗𑁆𑀕𑀫𑁄, 𑀇𑀤𑀁 𑀅𑀧𑁆𑀧𑀪𑀗𑁆𑀕𑀼. 𑀯𑁂𑀤𑀦𑀸 𑀧𑀪𑀗𑁆𑀕𑀼. 𑀬𑁄 𑀢𑀲𑁆𑀲𑀸 𑀦𑀺𑀭𑁄𑀥𑁄 𑀯𑀽𑀧𑀲𑀫𑁄 𑀅𑀢𑁆𑀣𑀗𑁆𑀕𑀫𑁄, 𑀇𑀤𑀁 𑀅𑀧𑁆𑀧𑀪𑀗𑁆𑀕𑀼. 𑀲𑀜𑁆𑀜𑀸 𑀧𑀪𑀗𑁆𑀕𑀼… 𑀲𑀗𑁆𑀔𑀸𑀭𑀸 𑀧𑀪𑀗𑁆𑀕𑀼. 𑀬𑁄 𑀢𑁂𑀲𑀁 𑀦𑀺𑀭𑁄𑀥𑁄 𑀯𑀽𑀧𑀲𑀫𑁄 𑀅𑀢𑁆𑀣𑀗𑁆𑀕𑀫𑁄, 𑀇𑀤𑀁 𑀅𑀧𑁆𑀧𑀪𑀗𑁆𑀕𑀼. 𑀯𑀺𑀜𑁆𑀜𑀸𑀡𑀁 𑀧𑀪𑀗𑁆𑀕𑀼. 𑀬𑁄 𑀢𑀲𑁆𑀲 𑀦𑀺𑀭𑁄𑀥𑁄 𑀯𑀽𑀧𑀲𑀫𑁄 𑀅𑀢𑁆𑀣𑀗𑁆𑀕𑀫𑁄, 𑀇𑀤𑀁 𑀅𑀧𑁆𑀧𑀪𑀗𑁆𑀕𑀽’’𑀢𑀺. 𑀏𑀓𑀸𑀤𑀲𑀫𑀁.

𑀪𑀸𑀭𑀯𑀕𑁆𑀕𑁄 𑀢𑀢𑀺𑀬𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀪𑀸𑀭𑀁 𑀧𑀭𑀺𑀜𑁆𑀜𑀁 𑀅𑀪𑀺𑀚𑀸𑀦𑀁, 𑀙𑀦𑁆𑀤𑀭𑀸𑀕𑀁 𑀘𑀢𑀼𑀢𑁆𑀣𑀓𑀁;

𑀅𑀲𑁆𑀲𑀸𑀤𑀸 𑀘 𑀢𑀬𑁄 𑀯𑀼𑀢𑁆𑀢𑀸, 𑀅𑀪𑀺𑀦𑀦𑁆𑀤𑀦𑀫𑀝𑁆𑀞𑀫𑀁;

𑀉𑀧𑁆𑀧𑀸𑀤𑀁 𑀅𑀖𑀫𑀽𑀮𑀜𑁆𑀘, 𑀏𑀓𑀸𑀤𑀲𑀫𑁄 𑀧𑀪𑀗𑁆𑀕𑀽𑀢𑀺.