𑁩-𑁧𑁦. 𑀲𑀼𑀯𑀡𑁆𑀡𑀦𑀺𑀓𑁆𑀔𑀲𑀼𑀢𑁆𑀢𑀸𑀤𑀺𑀅𑀝𑁆𑀞𑀓𑀁

𑁧𑁬𑁯. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺…𑀧𑁂… ‘‘𑀇𑀥𑀸𑀳𑀁, 𑀪𑀺𑀓𑁆𑀔𑀯𑁂, 𑀏𑀓𑀘𑁆𑀘𑀁 𑀧𑀼𑀕𑁆𑀕𑀮𑀁 𑀏𑀯𑀁 𑀘𑁂𑀢𑀲𑀸 𑀘𑁂𑀢𑁄 𑀧𑀭𑀺𑀘𑁆𑀘 𑀧𑀚𑀸𑀦𑀸𑀫𑀺 𑁋 ‘𑀦 𑀘𑀸𑀬𑀫𑀸𑀬𑀲𑁆𑀫𑀸 𑀲𑀼𑀯𑀡𑁆𑀡𑀦𑀺𑀓𑁆𑀔𑀲𑁆𑀲𑀸𑀧𑀺 𑀳𑁂𑀢𑀼…𑀧𑁂… 𑀲𑀼𑀯𑀡𑁆𑀡𑀦𑀺𑀓𑁆𑀔𑀲𑀢𑀲𑁆𑀲𑀸𑀧𑀺 𑀳𑁂𑀢𑀼… 𑀲𑀺𑀗𑁆𑀕𑀻𑀦𑀺𑀓𑁆𑀔𑀲𑁆𑀲𑀸𑀧𑀺 𑀳𑁂𑀢𑀼… 𑀲𑀺𑀗𑁆𑀕𑀻𑀦𑀺𑀓𑁆𑀔𑀲𑀢𑀲𑁆𑀲𑀸𑀧𑀺 𑀳𑁂𑀢𑀼… 𑀧𑀣𑀯𑀺𑀬𑀸𑀧𑀺 𑀚𑀸𑀢𑀭𑀽𑀧𑀧𑀭𑀺𑀧𑀽𑀭𑀸𑀬 𑀳𑁂𑀢𑀼… 𑀆𑀫𑀺𑀲𑀓𑀺𑀜𑁆𑀘𑀺𑀓𑁆𑀔𑀳𑁂𑀢𑀼𑀧𑀺… 𑀚𑀻𑀯𑀺𑀢𑀳𑁂𑀢𑀼𑀧𑀺… 𑀚𑀦𑀧𑀤𑀓𑀮𑁆𑀬𑀸𑀡𑀺𑀬𑀸𑀧𑀺 𑀳𑁂𑀢𑀼 𑀲𑀫𑁆𑀧𑀚𑀸𑀦𑀫𑀼𑀲𑀸 𑀪𑀸𑀲𑁂𑀬𑁆𑀬𑀸’𑀢𑀺. 𑀢𑀫𑁂𑀦𑀁 𑀧𑀲𑁆𑀲𑀸𑀫𑀺 𑀅𑀧𑀭𑁂𑀦 𑀲𑀫𑀬𑁂𑀦 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑁂𑀦 𑀅𑀪𑀺𑀪𑀽𑀢𑀁 𑀧𑀭𑀺𑀬𑀸𑀤𑀺𑀡𑁆𑀡𑀘𑀺𑀢𑁆𑀢𑀁 𑀲𑀫𑁆𑀧𑀚𑀸𑀦𑀫𑀼𑀲𑀸 𑀪𑀸𑀲𑀦𑁆𑀢𑀁. 𑀏𑀯𑀁 𑀤𑀸𑀭𑀼𑀡𑁄 𑀔𑁄, 𑀪𑀺𑀓𑁆𑀔𑀯𑁂, 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑁄…𑀧𑁂… 𑀏𑀯𑀜𑁆𑀳𑀺 𑀯𑁄, 𑀪𑀺𑀓𑁆𑀔𑀯𑁂, 𑀲𑀺𑀓𑁆𑀔𑀺𑀢𑀩𑁆𑀩’’𑀦𑁆𑀢𑀺. 𑀤𑀲𑀫𑀁.

𑀤𑀼𑀢𑀺𑀬𑁄 𑀯𑀕𑁆𑀕𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀤𑁆𑀯𑁂 𑀧𑀸𑀢𑀺 𑀤𑁆𑀯𑁂 𑀲𑀼𑀯𑀡𑁆𑀡𑀸 𑀘, 𑀲𑀺𑀗𑁆𑀕𑀻𑀳𑀺 𑀅𑀧𑀭𑁂 𑀤𑀼𑀯𑁂;

𑀧𑀣𑀯𑀻 𑀓𑀺𑀜𑁆𑀘𑀺𑀓𑁆𑀔𑀚𑀻𑀯𑀺𑀢𑀁, 𑀚𑀦𑀧𑀤𑀓𑀮𑁆𑀬𑀸𑀡𑀺𑀬𑀸 𑀤𑀲𑀸𑀢𑀺.