𑁭. 𑀤𑀺𑀤𑁆𑀥𑀲𑀼𑀢𑁆𑀢𑀁

𑁧𑁬𑁩. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺…𑀧𑁂… ‘‘𑀤𑀸𑀭𑀼𑀡𑁄, 𑀪𑀺𑀓𑁆𑀔𑀯𑁂, 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑁄…𑀧𑁂… 𑀅𑀥𑀺𑀕𑀫𑀸𑀬. 𑀓𑀁, 𑀪𑀺𑀓𑁆𑀔𑀯𑁂, 𑀤𑀺𑀤𑁆𑀥𑀕𑀢𑁂𑀦 𑀯𑀺𑀲𑀮𑁆𑀮𑁂𑀦 𑀲𑀮𑁆𑀮𑁂𑀦 [𑀤𑀺𑀝𑁆𑀞𑀺𑀕𑀢𑁂𑀦 𑀯𑀺𑀲𑀮𑁆𑀮𑁂𑀦 (𑀓. 𑀲𑀻.), 𑀤𑀺𑀝𑁆𑀞𑀺𑀕𑀢𑁂𑀦 𑀲𑀮𑁆𑀮𑁂𑀦 (𑀲𑁆𑀬𑀸. 𑀓𑀁.), 𑀤𑀺𑀝𑁆𑀞𑀺𑀕𑀢𑁂𑀦 𑀯𑀺𑀲𑀮𑁆𑀮𑁂𑀦 𑀲𑀮𑁆𑀮𑁂𑀦 (𑀓.), 𑀤𑀺𑀝𑁆𑀞𑀕𑀢𑁂𑀦 𑀯𑀺𑀲𑀮𑁆𑀮𑁂𑀦 𑀲𑀮𑁆𑀮𑁂𑀦 (𑀧𑀻.)] 𑀯𑀺𑀚𑁆𑀛𑀢𑀼, 𑀲𑁂𑀔𑀁 [𑀯𑀺𑀚𑁆𑀛𑀢𑀼, 𑀢𑀁 𑀲𑁂𑀔𑀁 (𑀲𑀻.), 𑀯𑀺𑀚𑁆𑀛𑀢𑀺, 𑀢𑀁 𑀲𑁂𑀔𑀁 (𑀧𑀻. 𑀓.)] 𑀅𑀧𑁆𑀧𑀢𑁆𑀢𑀫𑀸𑀦𑀲𑀁 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑁄 𑀅𑀦𑀼𑀧𑀸𑀧𑀼𑀡𑀸𑀢𑀼’’ [𑀅𑀦𑀼𑀧𑀸𑀧𑀼𑀡𑀸𑀢𑀺 (𑀧𑀻. 𑀓.)].

‘‘𑀲𑀮𑁆𑀮𑀦𑁆𑀢𑀺 𑀔𑁄, 𑀪𑀺𑀓𑁆𑀔𑀯𑁂, 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑀲𑁆𑀲𑁂𑀢𑀁 𑀅𑀥𑀺𑀯𑀘𑀦𑀁. 𑀏𑀯𑀁 𑀤𑀸𑀭𑀼𑀡𑁄 𑀔𑁄, 𑀪𑀺𑀓𑁆𑀔𑀯𑁂, 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑁄…𑀧𑁂… 𑀏𑀯𑀜𑁆𑀳𑀺 𑀯𑁄, 𑀪𑀺𑀓𑁆𑀔𑀯𑁂, 𑀲𑀺𑀓𑁆𑀔𑀺𑀢𑀩𑁆𑀩’’𑀦𑁆𑀢𑀺. 𑀲𑀢𑁆𑀢𑀫𑀁.