𑁨. 𑀤𑀼𑀢𑀺𑀬𑀅𑀕𑀸𑀭𑀺𑀬𑀯𑀺𑀫𑀸𑀦𑀯𑀢𑁆𑀣𑀼

𑁧𑁦𑁫𑁪. ‘‘𑀬𑀣𑀸 𑀯𑀦𑀁 𑀘𑀺𑀢𑁆𑀢𑀮𑀢𑀁 𑀧𑀪𑀸𑀲𑀢𑀺, 𑀉𑀬𑁆𑀬𑀸𑀦𑀲𑁂𑀝𑁆𑀞𑀁 𑀢𑀺𑀤𑀲𑀸𑀦𑀫𑀼𑀢𑁆𑀢𑀫𑀁;

𑀢𑀣𑀽𑀧𑀫𑀁 𑀢𑀼𑀬𑁆𑀳𑀫𑀺𑀤𑀁 𑀯𑀺𑀫𑀸𑀦𑀁, 𑀑𑀪𑀸𑀲𑀬𑀁 𑀢𑀺𑀝𑁆𑀞𑀢𑀺 𑀅𑀦𑁆𑀢𑀮𑀺𑀓𑁆𑀔𑁂.

𑁧𑁦𑁫𑁫. ‘‘𑀤𑁂𑀯𑀺𑀤𑁆𑀥𑀺𑀧𑀢𑁆𑀢𑁄𑀲𑀺 𑀫𑀳𑀸𑀦𑀼𑀪𑀸𑀯𑁄, 𑀫𑀦𑀼𑀲𑁆𑀲𑀪𑀽𑀢𑁄 𑀓𑀺𑀫𑀓𑀸𑀲𑀺 𑀧𑀼𑀜𑁆𑀜𑀁;

𑀓𑁂𑀦𑀸𑀲𑀺 𑀏𑀯𑀁 𑀚𑀮𑀺𑀢𑀸𑀦𑀼𑀪𑀸𑀯𑁄, 𑀯𑀡𑁆𑀡𑁄 𑀘 𑀢𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑁧𑁦𑁫𑁬. 𑀲𑁄 𑀤𑁂𑀯𑀧𑀼𑀢𑁆𑀢𑁄 𑀅𑀢𑁆𑀢𑀫𑀦𑁄…𑀧𑁂… 𑀬𑀲𑁆𑀲 𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁧𑁦𑁫𑁭. ‘‘𑀅𑀳𑀜𑁆𑀘 𑀪𑀭𑀺𑀬𑀸 𑀘 𑀫𑀦𑀼𑀲𑁆𑀲𑀮𑁄𑀓𑁂, 𑀑𑀧𑀸𑀦𑀪𑀽𑀢𑀸 𑀖𑀭𑀫𑀸𑀯𑀲𑀺𑀫𑁆𑀳;

𑀅𑀦𑁆𑀦𑀜𑁆𑀘 𑀧𑀸𑀦𑀜𑁆𑀘 𑀧𑀲𑀦𑁆𑀦𑀘𑀺𑀢𑁆𑀢𑀸, 𑀲𑀓𑁆𑀓𑀘𑁆𑀘 𑀤𑀸𑀦𑀁 𑀯𑀺𑀧𑀼𑀮𑀁 𑀅𑀤𑀫𑁆𑀳.

𑁧𑁦𑁫𑁮. ‘‘𑀢𑁂𑀦 𑀫𑁂𑀢𑀸𑀤𑀺𑀲𑁄 𑀯𑀡𑁆𑀡𑁄…𑀧𑁂… 𑀯𑀡𑁆𑀡𑁄 𑀘 𑀫𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑀤𑀼𑀢𑀺𑀬𑀅𑀕𑀸𑀭𑀺𑀬𑀯𑀺𑀫𑀸𑀦𑀁 𑀤𑀼𑀢𑀺𑀬𑀁.