𑁮. 𑀧𑀞𑀫𑀲𑀽𑀘𑀺𑀯𑀺𑀫𑀸𑀦𑀯𑀢𑁆𑀣𑀼

𑁯𑁪𑁪. ‘‘𑀉𑀘𑁆𑀘𑀫𑀺𑀤𑀁 𑀫𑀡𑀺𑀣𑀽𑀡𑀁 𑀯𑀺𑀫𑀸𑀦𑀁, 𑀲𑀫𑀦𑁆𑀢𑀢𑁄 𑀤𑁆𑀯𑀸𑀤𑀲 𑀬𑁄𑀚𑀦𑀸𑀦𑀺;

𑀓𑀽𑀝𑀸𑀕𑀸𑀭𑀸 𑀲𑀢𑁆𑀢𑀲𑀢𑀸 𑀉𑀴𑀸𑀭𑀸, 𑀯𑁂𑀴𑀼𑀭𑀺𑀬𑀣𑀫𑁆𑀪𑀸 𑀭𑀼𑀘𑀓𑀢𑁆𑀣𑀢𑀸 𑀲𑀼𑀪𑀸.

𑁯𑁪𑁫. ‘‘𑀢𑀢𑁆𑀣𑀘𑁆𑀙𑀲𑀺 𑀧𑀺𑀯𑀲𑀺 𑀔𑀸𑀤𑀲𑀺 𑀘, 𑀤𑀺𑀩𑁆𑀩𑀸 𑀘 𑀯𑀻𑀡𑀸 𑀧𑀯𑀤𑀦𑁆𑀢𑀺 𑀯𑀕𑁆𑀕𑀼𑀁;

𑀤𑀺𑀩𑁆𑀩𑀸 𑀭𑀲𑀸 𑀓𑀸𑀫𑀕𑀼𑀡𑁂𑀢𑁆𑀣 𑀧𑀜𑁆𑀘, 𑀦𑀸𑀭𑀺𑀬𑁄 𑀘 𑀦𑀘𑁆𑀘𑀦𑁆𑀢𑀺 𑀲𑀼𑀯𑀡𑁆𑀡𑀙𑀦𑁆𑀦𑀸.

𑁯𑁪𑁬. ‘‘𑀓𑁂𑀦 𑀢𑁂𑀢𑀸𑀤𑀺𑀲𑁄 𑀯𑀡𑁆𑀡𑁄…𑀧𑁂… 𑀯𑀡𑁆𑀡𑁄 𑀘 𑀢𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑁯𑁪𑁮. 𑀲𑁄 𑀤𑁂𑀯𑀧𑀼𑀢𑁆𑀢𑁄 𑀅𑀢𑁆𑀢𑀫𑀦𑁄…𑀧𑁂… 𑀬𑀲𑁆𑀲 𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁯𑁪𑁯. ‘‘𑀬𑀁 𑀤𑀤𑀸𑀢𑀺 𑀦 𑀢𑀁 𑀳𑁄𑀢𑀺,

𑀬𑀜𑁆𑀘𑁂𑀯 𑀤𑀚𑁆𑀚𑀸 𑀢𑀜𑁆𑀘𑁂𑀯 𑀲𑁂𑀬𑁆𑀬𑁄;

𑀲𑀽𑀘𑀺 𑀤𑀺𑀦𑁆𑀦𑀸 𑀲𑀽𑀘𑀺𑀫𑁂𑀯 𑀲𑁂𑀬𑁆𑀬𑁄.

𑁯𑁫𑁦. ‘‘𑀢𑁂𑀦 𑀫𑁂𑀢𑀸𑀤𑀺𑀲𑁄 𑀯𑀡𑁆𑀡𑁄…𑀧𑁂… 𑀯𑀡𑁆𑀡𑁄 𑀘 𑀫𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑀧𑀞𑀫𑀲𑀽𑀘𑀺𑀯𑀺𑀫𑀸𑀦𑀁 𑀅𑀝𑁆𑀞𑀫𑀁.