𑁧. 𑀫𑀡𑁆𑀟𑀽𑀓𑀤𑁂𑀯𑀧𑀼𑀢𑁆𑀢𑀯𑀺𑀫𑀸𑀦𑀯𑀢𑁆𑀣𑀼

𑁮𑁫𑁭. ‘‘𑀓𑁄 𑀫𑁂 𑀯𑀦𑁆𑀤𑀢𑀺 𑀧𑀸𑀤𑀸𑀦𑀺, 𑀇𑀤𑁆𑀥𑀺𑀬𑀸 𑀬𑀲𑀲𑀸 𑀚𑀮𑀁;

𑀅𑀪𑀺𑀓𑁆𑀓𑀦𑁆𑀢𑁂𑀦 𑀯𑀡𑁆𑀡𑁂𑀦, 𑀲𑀩𑁆𑀩𑀸 𑀑𑀪𑀸𑀲𑀬𑀁 𑀤𑀺𑀲𑀸’’𑀢𑀺.

𑁮𑁫𑁮. ‘‘𑀫𑀡𑁆𑀟𑀽𑀓𑁄𑀳𑀁 𑀧𑀼𑀭𑁂 𑀆𑀲𑀺𑀁, 𑀉𑀤𑀓𑁂 𑀯𑀸𑀭𑀺𑀕𑁄𑀘𑀭𑁄;

𑀢𑀯 𑀥𑀫𑁆𑀫𑀁 𑀲𑀼𑀡𑀦𑁆𑀢𑀲𑁆𑀲, 𑀅𑀯𑀥𑀻 𑀯𑀘𑁆𑀙𑀧𑀸𑀮𑀓𑁄.

𑁮𑁫𑁯. ‘‘𑀫𑀼𑀳𑀼𑀢𑁆𑀢𑀁 𑀘𑀺𑀢𑁆𑀢𑀧𑀲𑀸𑀤𑀲𑁆𑀲, 𑀇𑀤𑁆𑀥𑀺𑀁 𑀧𑀲𑁆𑀲 𑀬𑀲𑀜𑁆𑀘 𑀫𑁂;

𑀆𑀦𑀼𑀪𑀸𑀯𑀜𑁆𑀘 𑀫𑁂 𑀧𑀲𑁆𑀲, 𑀯𑀡𑁆𑀡𑀁 𑀧𑀲𑁆𑀲 𑀚𑀼𑀢𑀺𑀜𑁆𑀘 𑀫𑁂.

𑁮𑁬𑁦. ‘‘𑀬𑁂 𑀘 𑀢𑁂 𑀤𑀻𑀖𑀫𑀤𑁆𑀥𑀸𑀦𑀁, 𑀥𑀫𑁆𑀫𑀁 𑀅𑀲𑁆𑀲𑁄𑀲𑀼𑀁 𑀕𑁄𑀢𑀫;

𑀧𑀢𑁆𑀢𑀸 𑀢𑁂 𑀅𑀘𑀮𑀝𑁆𑀞𑀸𑀦𑀁, 𑀬𑀢𑁆𑀣 𑀕𑀦𑁆𑀢𑁆𑀯𑀸 𑀦 𑀲𑁄𑀘𑀭𑁂’’𑀢𑀺.

𑀫𑀡𑁆𑀟𑀽𑀓𑀤𑁂𑀯𑀧𑀼𑀢𑁆𑀢𑀯𑀺𑀫𑀸𑀦𑀁 𑀧𑀞𑀫𑀁.