𑁪. 𑀲𑀼𑀦𑁆𑀤𑀭𑀻𑀦𑀦𑁆𑀤𑀸𑀣𑁂𑀭𑀻𑀕𑀸𑀣𑀸

𑁮𑁨. ‘‘𑀆𑀢𑀼𑀭𑀁 𑀅𑀲𑀼𑀘𑀺𑀁 𑀧𑀽𑀢𑀺𑀁, 𑀧𑀲𑁆𑀲 𑀦𑀦𑁆𑀤𑁂 𑀲𑀫𑀼𑀲𑁆𑀲𑀬𑀁;

𑀅𑀲𑀼𑀪𑀸𑀬 𑀘𑀺𑀢𑁆𑀢𑀁 𑀪𑀸𑀯𑁂𑀳𑀺, 𑀏𑀓𑀕𑁆𑀕𑀁 𑀲𑀼𑀲𑀫𑀸𑀳𑀺𑀢𑀁.

𑁮𑁩. ‘‘𑀬𑀣𑀸 𑀇𑀤𑀁 𑀢𑀣𑀸 𑀏𑀢𑀁, 𑀬𑀣𑀸 𑀏𑀢𑀁 𑀢𑀣𑀸 𑀇𑀤𑀁;

𑀤𑀼𑀕𑁆𑀕𑀦𑁆𑀥𑀁 𑀧𑀽𑀢𑀺𑀓𑀁 𑀯𑀸𑀢𑀺, 𑀩𑀸𑀮𑀸𑀦𑀁 𑀅𑀪𑀺𑀦𑀦𑁆𑀤𑀺𑀢𑀁.

𑁮𑁪. ‘‘𑀏𑀯𑀫𑁂𑀢𑀁 𑀅𑀯𑁂𑀓𑁆𑀔𑀦𑁆𑀢𑀻, 𑀭𑀢𑁆𑀢𑀺𑀦𑁆𑀤𑀺𑀯𑀫𑀢𑀦𑁆𑀤𑀺𑀢𑀸;

𑀢𑀢𑁄 𑀲𑀓𑀸𑀬 𑀧𑀜𑁆𑀜𑀸𑀬, 𑀅𑀪𑀺𑀦𑀺𑀩𑁆𑀩𑀺𑀚𑁆𑀛 [𑀅𑀪𑀺𑀦𑀺𑀩𑁆𑀩𑀺𑀚𑁆𑀚 (𑀲𑀻. 𑀲𑁆𑀬𑀸.)] 𑀤𑀓𑁆𑀔𑀺𑀲𑀁.

𑁮𑁫. ‘‘𑀢𑀲𑁆𑀲𑀸 𑀫𑁂 𑀅𑀧𑁆𑀧𑀫𑀢𑁆𑀢𑀸𑀬, 𑀯𑀺𑀘𑀺𑀦𑀦𑁆𑀢𑀺𑀬𑀸 𑀬𑁄𑀦𑀺𑀲𑁄;

𑀬𑀣𑀸𑀪𑀽𑀢𑀁 𑀅𑀬𑀁 𑀓𑀸𑀬𑁄, 𑀤𑀺𑀝𑁆𑀞𑁄 𑀲𑀦𑁆𑀢𑀭𑀩𑀸𑀳𑀺𑀭𑁄.

𑁮𑁬. ‘‘𑀅𑀣 𑀦𑀺𑀩𑁆𑀩𑀺𑀦𑁆𑀤𑀳𑀁 𑀓𑀸𑀬𑁂, 𑀅𑀚𑁆𑀛𑀢𑁆𑀢𑀜𑁆𑀘 𑀯𑀺𑀭𑀚𑁆𑀚𑀳𑀁;

𑀅𑀧𑁆𑀧𑀫𑀢𑁆𑀢𑀸 𑀯𑀺𑀲𑀁𑀬𑀼𑀢𑁆𑀢𑀸, 𑀉𑀧𑀲𑀦𑁆𑀢𑀸𑀫𑁆𑀳𑀺 𑀦𑀺𑀩𑁆𑀩𑀼𑀢𑀸’’𑀢𑀺.

… 𑀲𑀼𑀦𑁆𑀤𑀭𑀻𑀦𑀦𑁆𑀤𑀸 𑀣𑁂𑀭𑀻….