𑁧. 𑀅𑀜𑁆𑀜𑀢𑀭𑀸𑀣𑁂𑀭𑀻𑀕𑀸𑀣𑀸

𑁬𑁭. ‘‘𑀧𑀡𑁆𑀡𑀯𑀻𑀲𑀢𑀺𑀯𑀲𑁆𑀲𑀸𑀦𑀺, 𑀬𑀢𑁄 𑀧𑀩𑁆𑀩𑀚𑀺𑀢𑀸 𑀅𑀳𑀁;

𑀦𑀸𑀘𑁆𑀙𑀭𑀸𑀲𑀗𑁆𑀖𑀸𑀢𑀫𑀢𑁆𑀢𑀫𑁆𑀧𑀺, 𑀘𑀺𑀢𑁆𑀢𑀲𑁆𑀲𑀽𑀧𑀲𑀫𑀚𑁆𑀛𑀕𑀁.

𑁬𑁮. ‘‘𑀅𑀮𑀤𑁆𑀥𑀸 𑀘𑁂𑀢𑀲𑁄 𑀲𑀦𑁆𑀢𑀺𑀁, 𑀓𑀸𑀫𑀭𑀸𑀕𑁂𑀦𑀯𑀲𑁆𑀲𑀼𑀢𑀸;

𑀩𑀸𑀳𑀸 𑀧𑀕𑁆𑀕𑀬𑁆𑀳 𑀓𑀦𑁆𑀤𑀦𑁆𑀢𑀻, 𑀯𑀺𑀳𑀸𑀭𑀁 𑀧𑀸𑀯𑀺𑀲𑀺𑀁 𑀅𑀳𑀁.

𑁬𑁯. ‘‘𑀲𑀸 𑀪𑀺𑀓𑁆𑀔𑀼𑀦𑀺𑀁 𑀉𑀧𑀸𑀕𑀘𑁆𑀙𑀺𑀁, 𑀬𑀸 𑀫𑁂 𑀲𑀤𑁆𑀥𑀸𑀬𑀺𑀓𑀸 𑀅𑀳𑀼;

𑀲𑀸 𑀫𑁂 𑀥𑀫𑁆𑀫𑀫𑀤𑁂𑀲𑁂𑀲𑀺, 𑀔𑀦𑁆𑀥𑀸𑀬𑀢𑀦𑀥𑀸𑀢𑀼𑀬𑁄.

𑁭𑁦. ‘‘𑀢𑀲𑁆𑀲𑀸 𑀥𑀫𑁆𑀫𑀁 𑀲𑀼𑀡𑀺𑀢𑁆𑀯𑀸𑀦, 𑀏𑀓𑀫𑀦𑁆𑀢𑁂 𑀉𑀧𑀸𑀯𑀺𑀲𑀺𑀁;

𑀧𑀼𑀩𑁆𑀩𑁂𑀦𑀺𑀯𑀸𑀲𑀁 𑀚𑀸𑀦𑀸𑀫𑀺, 𑀤𑀺𑀩𑁆𑀩𑀘𑀓𑁆𑀔𑀼 𑀯𑀺𑀲𑁄𑀥𑀺𑀢𑀁.

𑁭𑁧. ‘‘𑀘𑁂𑀢𑁄𑀧𑀭𑀺𑀘𑁆𑀘𑀜𑀸𑀡𑀜𑁆𑀘 [𑀘𑁂𑀢𑁄𑀧𑀭𑀺𑀬𑀜𑀸𑀡𑀜𑁆𑀘 (𑀓.)], 𑀲𑁄𑀢𑀥𑀸𑀢𑀼 𑀯𑀺𑀲𑁄𑀥𑀺𑀢𑀸;

𑀇𑀤𑁆𑀥𑀻𑀧𑀺 𑀫𑁂 𑀲𑀘𑁆𑀙𑀺𑀓𑀢𑀸, 𑀧𑀢𑁆𑀢𑁄 𑀫𑁂 𑀆𑀲𑀯𑀓𑁆𑀔𑀬𑁄;

𑀙𑀴𑀪𑀺𑀜𑁆𑀜𑀸 [𑀙 𑀫𑁂𑀪𑀺𑀜𑁆𑀜𑀸 (𑀲𑁆𑀬𑀸. 𑀓.)] 𑀲𑀘𑁆𑀙𑀺𑀓𑀢𑀸, 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦’’𑀦𑁆𑀢𑀺.

… 𑀅𑀜𑁆𑀜𑀢𑀭𑀸 𑀣𑁂𑀭𑀻 ….