𑁪. 𑀦𑀦𑁆𑀤𑀓𑀢𑁆𑀣𑁂𑀭𑀕𑀸𑀣𑀸

𑁨𑁭𑁯. ‘‘𑀥𑀺𑀭𑀢𑁆𑀣𑀼 𑀧𑀽𑀭𑁂 𑀤𑀼𑀕𑁆𑀕𑀦𑁆𑀥𑁂, 𑀫𑀸𑀭𑀧𑀓𑁆𑀔𑁂 𑀅𑀯𑀲𑁆𑀲𑀼𑀢𑁂;

𑀦𑀯𑀲𑁄𑀢𑀸𑀦𑀺 𑀢𑁂 𑀓𑀸𑀬𑁂, 𑀬𑀸𑀦𑀺 𑀲𑀦𑁆𑀤𑀦𑁆𑀢𑀺 𑀲𑀩𑁆𑀩𑀤𑀸.

𑁨𑁮𑁦. ‘‘𑀫𑀸 𑀧𑀼𑀭𑀸𑀡𑀁 𑀅𑀫𑀜𑁆𑀜𑀺𑀢𑁆𑀣𑁄, 𑀫𑀸𑀲𑀸𑀤𑁂𑀲𑀺 𑀢𑀣𑀸𑀕𑀢𑁂;

𑀲𑀕𑁆𑀕𑁂𑀧𑀺 𑀢𑁂 𑀦 𑀭𑀚𑁆𑀚𑀦𑁆𑀢𑀺, 𑀓𑀺𑀫𑀗𑁆𑀕𑀁 𑀧𑀦 [𑀓𑀺𑀫𑀗𑁆𑀕 𑀧𑀦 (𑀲𑀻.)] 𑀫𑀸𑀦𑀼𑀲𑁂.

𑁨𑁮𑁧. ‘‘𑀬𑁂 𑀘 𑀔𑁄 𑀩𑀸𑀮𑀸 𑀤𑀼𑀫𑁆𑀫𑁂𑀥𑀸, 𑀤𑀼𑀫𑁆𑀫𑀦𑁆𑀢𑀻 𑀫𑁄𑀳𑀧𑀸𑀭𑀼𑀢𑀸;

𑀢𑀸𑀤𑀺𑀲𑀸 𑀢𑀢𑁆𑀣 𑀭𑀚𑁆𑀚𑀦𑁆𑀢𑀺, 𑀫𑀸𑀭𑀔𑀺𑀢𑁆𑀢𑀫𑁆𑀳𑀺 𑀩𑀦𑁆𑀥𑀦𑁂.

𑁨𑁮𑁨. ‘‘𑀬𑁂𑀲𑀁 𑀭𑀸𑀕𑁄 𑀘 𑀤𑁄𑀲𑁄 𑀘, 𑀅𑀯𑀺𑀚𑁆𑀚𑀸 𑀘 𑀯𑀺𑀭𑀸𑀚𑀺𑀢𑀸;

𑀢𑀸𑀤𑀻 𑀢𑀢𑁆𑀣 𑀦 𑀭𑀚𑁆𑀚𑀦𑁆𑀢𑀺, 𑀙𑀺𑀦𑁆𑀦𑀲𑀼𑀢𑁆𑀢𑀸 𑀅𑀩𑀦𑁆𑀥𑀦𑀸’’𑀢𑀺.

… 𑀦𑀦𑁆𑀤𑀓𑁄 𑀣𑁂𑀭𑁄….