𑁧𑁧. 𑀲𑀧𑁆𑀧𑀓𑀢𑁆𑀣𑁂𑀭𑀕𑀸𑀣𑀸

𑁩𑁦𑁭. ‘‘𑀬𑀤𑀸 𑀩𑀮𑀸𑀓𑀸 𑀲𑀼𑀘𑀺𑀧𑀡𑁆𑀟𑀭𑀘𑁆𑀙𑀤𑀸, 𑀓𑀸𑀴𑀲𑁆𑀲 𑀫𑁂𑀖𑀲𑁆𑀲 𑀪𑀬𑁂𑀦 𑀢𑀚𑁆𑀚𑀺𑀢𑀸;

𑀧𑀮𑁂𑀳𑀺𑀢𑀺 𑀆𑀮𑀬𑀫𑀸𑀮𑀬𑁂𑀲𑀺𑀦𑀻, 𑀢𑀤𑀸 𑀦𑀤𑀻 𑀅𑀚𑀓𑀭𑀡𑀻 𑀭𑀫𑁂𑀢𑀺 𑀫𑀁.

𑁩𑁦𑁮. ‘‘𑀬𑀤𑀸 𑀩𑀮𑀸𑀓𑀸 𑀲𑀼𑀯𑀺𑀲𑀼𑀤𑁆𑀥𑀧𑀡𑁆𑀟𑀭𑀸, 𑀓𑀸𑀴𑀲𑁆𑀲 𑀫𑁂𑀖𑀲𑁆𑀲 𑀪𑀬𑁂𑀦 𑀢𑀚𑁆𑀚𑀺𑀢𑀸;

𑀧𑀭𑀺𑀬𑁂𑀲𑀢𑀺 𑀮𑁂𑀡𑀫𑀮𑁂𑀡𑀤𑀲𑁆𑀲𑀺𑀦𑀻, 𑀢𑀤𑀸 𑀦𑀤𑀻 𑀅𑀚𑀓𑀭𑀡𑀻 𑀭𑀫𑁂𑀢𑀺 𑀫𑀁.

𑁩𑁦𑁯. ‘‘𑀓𑀁 𑀦𑀼 𑀢𑀢𑁆𑀣 𑀦 𑀭𑀫𑁂𑀦𑁆𑀢𑀺, 𑀚𑀫𑁆𑀩𑀼𑀬𑁄 𑀉𑀪𑀢𑁄 𑀢𑀳𑀺𑀁;

𑀲𑁄𑀪𑁂𑀦𑁆𑀢𑀺 𑀆𑀧𑀕𑀸𑀓𑀽𑀮𑀁, 𑀫𑀫 𑀮𑁂𑀡𑀲𑁆𑀲 [𑀫𑀳𑀸𑀮𑁂𑀡𑀲𑁆𑀲 (𑀲𑁆𑀬𑀸. 𑀓.)] 𑀧𑀘𑁆𑀙𑀢𑁄.

𑁩𑁧𑁦. ‘‘𑀢𑀸 𑀫𑀢𑀫𑀤𑀲𑀗𑁆𑀖𑀲𑀼𑀧𑁆𑀧𑀳𑀻𑀦𑀸,

𑀪𑁂𑀓𑀸 𑀫𑀦𑁆𑀤𑀯𑀢𑀻 𑀧𑀦𑀸𑀤𑀬𑀦𑁆𑀢𑀺;

‘𑀦𑀸𑀚𑁆𑀚 𑀕𑀺𑀭𑀺𑀦𑀤𑀻𑀳𑀺 𑀯𑀺𑀧𑁆𑀧𑀯𑀸𑀲𑀲𑀫𑀬𑁄,

𑀔𑁂𑀫𑀸 𑀅𑀚𑀓𑀭𑀡𑀻 𑀲𑀺𑀯𑀸 𑀲𑀼𑀭𑀫𑁆𑀫𑀸’’’𑀢𑀺.

… 𑀲𑀧𑁆𑀧𑀓𑁄 𑀣𑁂𑀭𑁄….