𑁧𑁧. 𑀧𑀸𑀝𑀮𑀺𑀧𑀼𑀢𑁆𑀢𑀧𑁂𑀢𑀯𑀢𑁆𑀣𑀼

𑁭𑁯𑁩. ‘‘𑀤𑀺𑀝𑁆𑀞𑀸 𑀢𑀬𑀸 𑀦𑀺𑀭𑀬𑀸 𑀢𑀺𑀭𑀘𑁆𑀙𑀸𑀦𑀬𑁄𑀦𑀺,

𑀧𑁂𑀢𑀸 𑀅𑀲𑀼𑀭𑀸 𑀅𑀣𑀯𑀸𑀧𑀺 𑀫𑀸𑀦𑀼𑀲𑀸 𑀤𑁂𑀯𑀸; 𑀲𑀬𑀫𑀤𑁆𑀤𑀲 𑀓𑀫𑁆𑀫𑀯𑀺𑀧𑀸𑀓𑀫𑀢𑁆𑀢𑀦𑁄,

𑀦𑁂𑀲𑁆𑀲𑀸𑀫𑀺 𑀢𑀁 𑀧𑀸𑀝𑀮𑀺𑀧𑀼𑀢𑁆𑀢𑀫𑀓𑁆𑀔𑀢𑀁; 𑀢𑀢𑁆𑀣 𑀕𑀦𑁆𑀢𑁆𑀯𑀸 𑀓𑀼𑀲𑀮𑀁 𑀓𑀭𑁄𑀳𑀺 𑀓𑀫𑁆𑀫𑀁’’.

𑁭𑁯𑁪. ‘‘𑀅𑀢𑁆𑀣𑀓𑀸𑀫𑁄𑀲𑀺 𑀫𑁂 𑀬𑀓𑁆𑀔, 𑀳𑀺𑀢𑀓𑀸𑀫𑁄𑀲𑀺 𑀤𑁂𑀯𑀢𑁂;

𑀓𑀭𑁄𑀫𑀺 𑀢𑀼𑀬𑁆𑀳𑀁 𑀯𑀘𑀦𑀁, 𑀢𑁆𑀯𑀁𑀲𑀺 𑀆𑀘𑀭𑀺𑀬𑁄 𑀫𑀫.

𑁭𑁯𑁫. ‘‘𑀤𑀺𑀝𑁆𑀞𑀸 𑀫𑀬𑀸 𑀦𑀺𑀭𑀬𑀸 𑀢𑀺𑀭𑀘𑁆𑀙𑀸𑀦𑀬𑁄𑀦𑀺, 𑀧𑁂𑀢𑀸 𑀅𑀲𑀼𑀭𑀸 𑀅𑀣𑀯𑀸𑀧𑀺 𑀫𑀸𑀦𑀼𑀲𑀸 𑀤𑁂𑀯𑀸;

𑀲𑀬𑀫𑀤𑁆𑀤𑀲𑀁 𑀓𑀫𑁆𑀫𑀯𑀺𑀧𑀸𑀓𑀫𑀢𑁆𑀢𑀦𑁄, 𑀓𑀸𑀳𑀸𑀫𑀺 𑀧𑀼𑀜𑁆𑀜𑀸𑀦𑀺 𑀅𑀦𑀧𑁆𑀧𑀓𑀸𑀦𑀻’’𑀢𑀺.

𑀧𑀸𑀝𑀮𑀺𑀧𑀼𑀢𑁆𑀢𑀧𑁂𑀢𑀯𑀢𑁆𑀣𑀼 𑀏𑀓𑀸𑀤𑀲𑀫𑀁.