𑁧. 𑀉𑀤𑁆𑀤𑁂𑀲𑁄

𑁨𑁦𑁯. 𑀧𑀼𑀭𑀺𑀫𑀦𑀺𑀤𑀸𑀦𑀁. ‘‘𑀢𑀬𑁄𑀫𑁂, 𑀪𑀺𑀓𑁆𑀔𑀯𑁂, 𑀯𑀺𑀫𑁄𑀓𑁆𑀔𑀸. 𑀓𑀢𑀫𑁂 𑀢𑀬𑁄? 𑀲𑀼𑀜𑁆𑀜𑀢𑁄 𑀯𑀺𑀫𑁄𑀓𑁆𑀔𑁄, 𑀅𑀦𑀺𑀫𑀺𑀢𑁆𑀢𑁄 𑀯𑀺𑀫𑁄𑀓𑁆𑀔𑁄, 𑀅𑀧𑁆𑀧𑀡𑀺𑀳𑀺𑀢𑁄 𑀯𑀺𑀫𑁄𑀓𑁆𑀔𑁄 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀢𑀬𑁄 𑀯𑀺𑀫𑁄𑀓𑁆𑀔𑀸.

‘‘𑀅𑀧𑀺 𑀘, 𑀅𑀝𑁆𑀞𑀲𑀝𑁆𑀞𑀺 𑀯𑀺𑀫𑁄𑀓𑁆𑀔𑀸 𑁋 𑀲𑀼𑀜𑁆𑀜𑀢𑁄 𑀯𑀺𑀫𑁄𑀓𑁆𑀔𑁄, 𑀅𑀦𑀺𑀫𑀺𑀢𑁆𑀢𑁄 𑀯𑀺𑀫𑁄𑀓𑁆𑀔𑁄, 𑀅𑀧𑁆𑀧𑀡𑀺𑀳𑀺𑀢𑁄 𑀯𑀺𑀫𑁄𑀓𑁆𑀔𑁄; 𑀅𑀚𑁆𑀛𑀢𑁆𑀢𑀯𑀼𑀝𑁆𑀞𑀸𑀦𑁄 𑀯𑀺𑀫𑁄𑀓𑁆𑀔𑁄, 𑀩𑀳𑀺𑀤𑁆𑀥𑀸𑀯𑀼𑀝𑁆𑀞𑀸𑀦𑁄 𑀯𑀺𑀫𑁄𑀓𑁆𑀔𑁄, 𑀤𑀼𑀪𑀢𑁄 𑀯𑀼𑀝𑁆𑀞𑀸𑀦𑁄 𑀯𑀺𑀫𑁄𑀓𑁆𑀔𑁄; 𑀅𑀚𑁆𑀛𑀢𑁆𑀢𑀯𑀼𑀝𑁆𑀞𑀸𑀦𑀸 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸, 𑀩𑀳𑀺𑀤𑁆𑀥𑀸𑀯𑀼𑀝𑁆𑀞𑀸𑀦𑀸 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸, 𑀤𑀼𑀪𑀢𑁄 𑀯𑀼𑀝𑁆𑀞𑀸𑀦𑀸 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸; 𑀅𑀚𑁆𑀛𑀢𑁆𑀢𑀯𑀼𑀝𑁆𑀞𑀸𑀦𑀸𑀦𑀁 𑀅𑀦𑀼𑀮𑁄𑀫𑀸 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸, 𑀩𑀳𑀺𑀤𑁆𑀥𑀸𑀯𑀼𑀝𑁆𑀞𑀸𑀦𑀸𑀦𑀁 𑀅𑀦𑀼𑀮𑁄𑀫𑀸 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸, 𑀤𑀼𑀪𑀢𑁄 𑀯𑀼𑀝𑁆𑀞𑀸𑀦𑀸𑀦𑀁 𑀅𑀦𑀼𑀮𑁄𑀫𑀸 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸; 𑀅𑀚𑁆𑀛𑀢𑁆𑀢𑀯𑀼𑀝𑁆𑀞𑀸𑀦𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑀻 [𑀅𑀚𑁆𑀛𑀢𑁆𑀢𑀯𑀼𑀝𑁆𑀞𑀸𑀦𑀸 𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑀻 (𑀲𑁆𑀬𑀸.)] 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸, 𑀩𑀳𑀺𑀤𑁆𑀥𑀸𑀯𑀼𑀝𑁆𑀞𑀸𑀦𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑀻 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸, 𑀤𑀼𑀪𑀢𑁄 𑀯𑀼𑀝𑁆𑀞𑀸𑀦𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑀻 𑀘𑀢𑁆𑀢𑀸𑀭𑁄 𑀯𑀺𑀫𑁄𑀓𑁆𑀔𑀸; 𑀭𑀽𑀧𑀻 𑀭𑀽𑀧𑀸𑀦𑀺 𑀧𑀲𑁆𑀲𑀢𑀻𑀢𑀺 𑀯𑀺𑀫𑁄𑀓𑁆𑀔𑁄, 𑀅𑀚𑁆𑀛𑀢𑁆𑀢𑀁 𑀅𑀭𑀽𑀧𑀲𑀜𑁆𑀜𑀻 𑀩𑀳𑀺𑀤𑁆𑀥𑀸 𑀭𑀽𑀧𑀸𑀦𑀺 𑀧𑀲𑁆𑀲𑀢𑀻𑀢𑀺 𑀯𑀺𑀫𑁄𑀓𑁆𑀔𑁄, 𑀲𑀼𑀪𑀁 𑀢𑁂𑀯 𑀅𑀥𑀺𑀫𑀼𑀢𑁆𑀢𑁄 𑀳𑁄𑀢𑀻𑀢𑀺 𑀯𑀺𑀫𑁄𑀓𑁆𑀔𑁄; 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀲𑀫𑀸𑀧𑀢𑁆𑀢𑀺 𑀯𑀺𑀫𑁄𑀓𑁆𑀔𑁄, 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀲𑀫𑀸𑀧𑀢𑁆𑀢𑀺 𑀯𑀺𑀫𑁄𑀓𑁆𑀔𑁄, 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀲𑀫𑀸𑀧𑀢𑁆𑀢𑀺 𑀯𑀺𑀫𑁄𑀓𑁆𑀔𑁄; 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀲𑀫𑀸𑀧𑀢𑁆𑀢𑀺 𑀯𑀺𑀫𑁄𑀓𑁆𑀔𑁄, 𑀲𑀜𑁆𑀜𑀸𑀯𑁂𑀤𑀬𑀺𑀢𑀦𑀺𑀭𑁄𑀥𑀲𑀫𑀸𑀧𑀢𑁆𑀢𑀺 𑀯𑀺𑀫𑁄𑀓𑁆𑀔𑁄; 𑀲𑀫𑀬𑀯𑀺𑀫𑁄𑀓𑁆𑀔𑁄, 𑀅𑀲𑀫𑀬𑀯𑀺𑀫𑁄𑀓𑁆𑀔𑁄; 𑀲𑀸𑀫𑀬𑀺𑀓𑁄 𑀯𑀺𑀫𑁄𑀓𑁆𑀔𑁄, 𑀅𑀲𑀸𑀫𑀬𑀺𑀓𑁄 𑀯𑀺𑀫𑁄𑀓𑁆𑀔𑁄; 𑀓𑀼𑀧𑁆𑀧𑁄 𑀯𑀺𑀫𑁄𑀓𑁆𑀔𑁄, 𑀅𑀓𑀼𑀧𑁆𑀧𑁄 𑀯𑀺𑀫𑁄𑀓𑁆𑀔𑁄; 𑀮𑁄𑀓𑀺𑀬𑁄 𑀯𑀺𑀫𑁄𑀓𑁆𑀔𑁄, 𑀮𑁄𑀓𑀼𑀢𑁆𑀢𑀭𑁄 𑀯𑀺𑀫𑁄𑀓𑁆𑀔𑁄; 𑀲𑀸𑀲𑀯𑁄 𑀯𑀺𑀫𑁄𑀓𑁆𑀔𑁄, 𑀅𑀦𑀸𑀲𑀯𑁄 𑀯𑀺𑀫𑁄𑀓𑁆𑀔𑁄; 𑀲𑀸𑀫𑀺𑀲𑁄 𑀯𑀺𑀫𑁄𑀓𑁆𑀔𑁄, 𑀦𑀺𑀭𑀸𑀫𑀺𑀲𑁄 𑀯𑀺𑀫𑁄𑀓𑁆𑀔𑁄; 𑀦𑀺𑀭𑀸𑀫𑀺𑀲𑀸𑀦𑀺𑀭𑀸𑀫𑀺𑀲𑀢𑀭𑁄 𑀯𑀺𑀫𑁄𑀓𑁆𑀔𑁄, 𑀧𑀡𑀺𑀳𑀺𑀢𑁄 𑀯𑀺𑀫𑁄𑀓𑁆𑀔𑁄, 𑀅𑀧𑁆𑀧𑀡𑀺𑀳𑀺𑀢𑁄 𑀯𑀺𑀫𑁄𑀓𑁆𑀔𑁄, 𑀧𑀡𑀺𑀳𑀺𑀢𑀧𑁆𑀧𑀝𑀺𑀧𑁆𑀧𑀲𑁆𑀲𑀤𑁆𑀥𑀺 𑀯𑀺𑀫𑁄𑀓𑁆𑀔𑁄; 𑀲𑀜𑁆𑀜𑀼𑀢𑁆𑀢𑁄 𑀯𑀺𑀫𑁄𑀓𑁆𑀔𑁄, 𑀯𑀺𑀲𑀜𑁆𑀜𑀼𑀢𑁆𑀢𑁄 𑀯𑀺𑀫𑁄𑀓𑁆𑀔𑁄; 𑀏𑀓𑀢𑁆𑀢𑀯𑀺𑀫𑁄𑀓𑁆𑀔𑁄, 𑀦𑀸𑀦𑀢𑁆𑀢𑀯𑀺𑀫𑁄𑀓𑁆𑀔𑁄, 𑀲𑀜𑁆𑀜𑀸𑀯𑀺𑀫𑁄𑀓𑁆𑀔𑁄, 𑀜𑀸𑀡𑀯𑀺𑀫𑁄𑀓𑁆𑀔𑁄; 𑀲𑀻𑀢𑀺𑀲𑀺𑀬𑀸𑀯𑀺𑀫𑁄𑀓𑁆𑀔𑁄 [𑀲𑀻𑀢𑀻𑀲𑀺𑀬𑀸𑀯𑀺𑀫𑁄𑀓𑁆𑀔𑁄 (𑀲𑀻. 𑀅𑀝𑁆𑀞.)], 𑀛𑀸𑀦𑀯𑀺𑀫𑁄𑀓𑁆𑀔𑁄, 𑀅𑀦𑀼𑀧𑀸𑀤𑀸𑀘𑀺𑀢𑁆𑀢𑀲𑁆𑀲 𑀯𑀺𑀫𑁄𑀓𑁆𑀔𑁄’’.