𑁪𑁧. 𑀔𑀦𑁆𑀢𑀺𑀜𑀸𑀡𑀦𑀺𑀤𑁆𑀤𑁂𑀲𑁄

𑁯𑁨. 𑀓𑀣𑀁 𑀯𑀺𑀤𑀺𑀢𑀢𑁆𑀢𑀸 𑀧𑀜𑁆𑀜𑀸 𑀔𑀦𑁆𑀢𑀺𑀜𑀸𑀡𑀁? 𑀭𑀽𑀧𑀁 𑀅𑀦𑀺𑀘𑁆𑀘𑀢𑁄 𑀯𑀺𑀤𑀺𑀢𑀁, 𑀭𑀽𑀧𑀁 𑀤𑀼𑀓𑁆𑀔𑀢𑁄 𑀯𑀺𑀤𑀺𑀢𑀁, 𑀭𑀽𑀧𑀁 𑀅𑀦𑀢𑁆𑀢𑀢𑁄 𑀯𑀺𑀤𑀺𑀢𑀁. 𑀬𑀁 𑀬𑀁 𑀯𑀺𑀤𑀺𑀢𑀁 𑀢𑀁 𑀢𑀁 𑀔𑀫𑀢𑀻𑀢𑀺 𑁋 𑀯𑀺𑀤𑀺𑀢𑀢𑁆𑀢𑀸 𑀧𑀜𑁆𑀜𑀸 𑀔𑀦𑁆𑀢𑀺𑀜𑀸𑀡𑀁. 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁… 𑀘𑀓𑁆𑀔𑀼…𑀧𑁂… 𑀚𑀭𑀸𑀫𑀭𑀡𑀁 𑀅𑀦𑀺𑀘𑁆𑀘𑀢𑁄 𑀯𑀺𑀤𑀺𑀢𑀁, 𑀚𑀭𑀸𑀫𑀭𑀡𑀁 𑀤𑀼𑀓𑁆𑀔𑀢𑁄 𑀯𑀺𑀤𑀺𑀢𑀁, 𑀚𑀭𑀸𑀫𑀭𑀡𑀁 𑀅𑀦𑀢𑁆𑀢𑀢𑁄 𑀯𑀺𑀤𑀺𑀢𑀁. 𑀬𑀁 𑀬𑀁 𑀯𑀺𑀤𑀺𑀢𑀁 𑀢𑀁 𑀢𑀁 𑀔𑀫𑀢𑀻𑀢𑀺 𑁋 𑀯𑀺𑀤𑀺𑀢𑀢𑁆𑀢𑀸 𑀧𑀜𑁆𑀜𑀸 𑀔𑀦𑁆𑀢𑀺𑀜𑀸𑀡𑀁. 𑀢𑀁 𑀜𑀸𑀢𑀝𑁆𑀞𑁂𑀦 𑀜𑀸𑀡𑀁, 𑀧𑀚𑀸𑀦𑀦𑀝𑁆𑀞𑁂𑀦 𑀧𑀜𑁆𑀜𑀸. 𑀢𑁂𑀦 𑀯𑀼𑀘𑁆𑀘𑀢𑀺 𑁋 ‘‘𑀯𑀺𑀤𑀺𑀢𑀢𑁆𑀢𑀸 𑀧𑀜𑁆𑀜𑀸 𑀔𑀦𑁆𑀢𑀺𑀜𑀸𑀡𑀁’’.

𑀔𑀦𑁆𑀢𑀺𑀜𑀸𑀡𑀦𑀺𑀤𑁆𑀤𑁂𑀲𑁄 𑀏𑀓𑀘𑀢𑁆𑀢𑀸𑀮𑀻𑀲𑀫𑁄.