𑁪𑁨. 𑀧𑀭𑀺𑀬𑁄𑀕𑀸𑀳𑀡𑀜𑀸𑀡𑀦𑀺𑀤𑁆𑀤𑁂𑀲𑁄

𑁯𑁩. 𑀓𑀣𑀁 𑀨𑀼𑀝𑁆𑀞𑀢𑁆𑀢𑀸 𑀧𑀜𑁆𑀜𑀸 𑀧𑀭𑀺𑀬𑁄𑀕𑀸𑀳𑀡𑁂 𑀜𑀸𑀡𑀁? 𑀭𑀽𑀧𑀁 𑀅𑀦𑀺𑀘𑁆𑀘𑀢𑁄 𑀨𑀼𑀲𑀢𑀺, 𑀭𑀽𑀧𑀁 𑀤𑀼𑀓𑁆𑀔𑀢𑁄 𑀨𑀼𑀲𑀢𑀺, 𑀭𑀽𑀧𑀁 𑀅𑀦𑀢𑁆𑀢𑀢𑁄 𑀨𑀼𑀲𑀢𑀺. 𑀬𑀁 𑀬𑀁 𑀨𑀼𑀲𑀢𑀺 𑀢𑀁 𑀢𑀁 𑀧𑀭𑀺𑀬𑁄𑀕𑀸𑀳𑀢𑀻𑀢𑀺 𑁋 𑀨𑀼𑀝𑁆𑀞𑀢𑁆𑀢𑀸 𑀧𑀜𑁆𑀜𑀸 𑀧𑀭𑀺𑀬𑁄𑀕𑀸𑀳𑀡𑁂 𑀜𑀸𑀡𑀁. 𑀯𑁂𑀤𑀦𑀁…𑀧𑁂… 𑀲𑀜𑁆𑀜𑀁… 𑀲𑀗𑁆𑀔𑀸𑀭𑁂… 𑀯𑀺𑀜𑁆𑀜𑀸𑀡𑀁… 𑀘𑀓𑁆𑀔𑀼𑀁…𑀧𑁂… 𑀚𑀭𑀸𑀫𑀭𑀡𑀁 𑀅𑀦𑀺𑀘𑁆𑀘𑀢𑁄 𑀨𑀼𑀲𑀢𑀺, 𑀤𑀼𑀓𑁆𑀔𑀢𑁄 𑀨𑀼𑀲𑀢𑀺, 𑀅𑀦𑀢𑁆𑀢𑀢𑁄 𑀨𑀼𑀲𑀢𑀺. 𑀬𑀁 𑀬𑀁 𑀨𑀼𑀲𑀢𑀺 𑀢𑀁 𑀢𑀁 𑀧𑀭𑀺𑀬𑁄𑀕𑀸𑀳𑀢𑀻𑀢𑀺 𑁋 𑀨𑀼𑀝𑁆𑀞𑀢𑁆𑀢𑀸 𑀧𑀜𑁆𑀜𑀸 𑀧𑀭𑀺𑀬𑁄𑀕𑀸𑀳𑀡𑁂 𑀜𑀸𑀡𑀁. 𑀢𑀁 𑀜𑀸𑀢𑀝𑁆𑀞𑁂𑀦 𑀜𑀸𑀡𑀁, 𑀧𑀚𑀸𑀦𑀦𑀝𑁆𑀞𑁂𑀦 𑀧𑀜𑁆𑀜𑀸. 𑀢𑁂𑀦 𑀯𑀼𑀘𑁆𑀘𑀢𑀺 𑁋 ‘‘𑀨𑀼𑀝𑁆𑀞𑀢𑁆𑀢𑀸 𑀧𑀜𑁆𑀜𑀸 𑀧𑀭𑀺𑀬𑁄𑀕𑀸𑀳𑀡𑁂 𑀜𑀸𑀡𑀁’’.

𑀧𑀭𑀺𑀬𑁄𑀕𑀸𑀳𑀡𑀜𑀸𑀡𑀦𑀺𑀤𑁆𑀤𑁂𑀲𑁄 𑀤𑁆𑀯𑁂𑀘𑀢𑁆𑀢𑀸𑀮𑀻𑀲𑀫𑁄.