𑁨. 𑀢𑀺𑀲𑁆𑀲𑀫𑁂𑀢𑁆𑀢𑁂𑀬𑁆𑀬𑀫𑀸𑀡𑀯𑀧𑀼𑀘𑁆𑀙𑀸

𑁬𑁫. ‘‘𑀓𑁄𑀥 𑀲𑀦𑁆𑀢𑀼𑀲𑀺𑀢𑁄 𑀮𑁄𑀓𑁂, [𑀇𑀘𑁆𑀘𑀸𑀬𑀲𑁆𑀫𑀸 𑀢𑀺𑀲𑁆𑀲𑀫𑁂𑀢𑁆𑀢𑁂𑀬𑁆𑀬𑁄]

𑀓𑀲𑁆𑀲 𑀦𑁄 𑀲𑀦𑁆𑀢𑀺 𑀇𑀜𑁆𑀚𑀺𑀢𑀸;

𑀓𑁄 𑀉𑀪𑀦𑁆𑀢𑀫𑀪𑀺𑀜𑁆𑀜𑀸𑀬, 𑀫𑀚𑁆𑀛𑁂 𑀫𑀦𑁆𑀢𑀸 𑀦 𑀮𑀺𑀧𑁆𑀧𑀢𑀺 [𑀦 𑀧𑀺𑀫𑁆𑀧𑀢𑀺 (𑀩𑀳𑀽𑀲𑀼)];

𑀓𑀁 𑀩𑁆𑀭𑀽𑀲𑀺 𑀫𑀳𑀸𑀧𑀼𑀭𑀺𑀲𑁄𑀢𑀺, 𑀓𑁄 𑀇𑀥 𑀲𑀺𑀩𑁆𑀩𑀺𑀦𑀺𑀫𑀘𑁆𑀘𑀕𑀸’’𑀢𑀺 [𑀲𑀺𑀩𑁆𑀩𑀦𑀺𑀫𑀘𑁆𑀘𑀕𑀸 (𑀲𑀻. 𑀲𑁆𑀬𑀸.)].

𑁬𑁬. ‘‘𑀓𑀸𑀫𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸, [𑀫𑁂𑀢𑁆𑀢𑁂𑀬𑁆𑀬𑀸𑀢𑀺 𑀪𑀕𑀯𑀸]

𑀯𑀻𑀢𑀢𑀡𑁆𑀳𑁄 𑀲𑀤𑀸 𑀲𑀢𑁄;

𑀲𑀗𑁆𑀔𑀸𑀬 𑀦𑀺𑀩𑁆𑀩𑀼𑀢𑁄 𑀪𑀺𑀓𑁆𑀔𑀼, 𑀢𑀲𑁆𑀲 𑀦𑁄 𑀲𑀦𑁆𑀢𑀺 𑀇𑀜𑁆𑀚𑀺𑀢𑀸.

𑁬𑁭. ‘‘𑀲𑁄 𑀉𑀪𑀦𑁆𑀢𑀫𑀪𑀺𑀜𑁆𑀜𑀸𑀬, 𑀫𑀚𑁆𑀛𑁂 𑀫𑀦𑁆𑀢𑀸 𑀦 𑀮𑀺𑀧𑁆𑀧𑀢𑀺;

𑀢𑀁 𑀩𑁆𑀭𑀽𑀫𑀺 𑀫𑀳𑀸𑀧𑀼𑀭𑀺𑀲𑁄𑀢𑀺, 𑀲𑁄 𑀇𑀥 𑀲𑀺𑀩𑁆𑀩𑀺𑀦𑀺𑀫𑀘𑁆𑀘𑀕𑀸’’𑀢𑀺.

𑀢𑀺𑀲𑁆𑀲𑀫𑁂𑀢𑁆𑀢𑁂𑀬𑁆𑀬𑀫𑀸𑀡𑀯𑀧𑀼𑀘𑁆𑀙𑀸 𑀤𑀼𑀢𑀺𑀬𑀸.