𑁧. 𑀮𑀸𑀩𑀼𑀮𑀢𑀗𑁆𑀕𑀧𑀜𑁆𑀳𑁄

𑁧. ‘‘𑀪𑀦𑁆𑀢𑁂 𑀦𑀸𑀕𑀲𑁂𑀦, ‘𑀮𑀸𑀩𑀼𑀮𑀢𑀸𑀬 𑀏𑀓𑀁 𑀅𑀗𑁆𑀕𑀁 𑀕𑀳𑁂𑀢𑀩𑁆𑀩’𑀦𑁆𑀢𑀺 𑀬𑀁 𑀯𑀤𑁂𑀲𑀺, 𑀓𑀢𑀫𑀁 𑀢𑀁 𑀏𑀓𑀁 𑀅𑀗𑁆𑀕𑀁 𑀕𑀳𑁂𑀢𑀩𑁆𑀩’’𑀦𑁆𑀢𑀺? ‘‘𑀬𑀣𑀸, 𑀫𑀳𑀸𑀭𑀸𑀚, 𑀮𑀸𑀩𑀼𑀮𑀢𑀸 𑀢𑀺𑀡𑁂 𑀯𑀸 𑀓𑀝𑁆𑀞𑁂 𑀯𑀸 𑀮𑀢𑀸𑀬 𑀯𑀸 𑀲𑁄𑀡𑁆𑀟𑀺𑀓𑀸𑀳𑀺 𑀆𑀮𑀫𑁆𑀩𑀺𑀢𑁆𑀯𑀸 𑀢𑀲𑁆𑀲𑀽𑀧𑀭𑀺 𑀯𑀟𑁆𑀠𑀢𑀺, 𑀏𑀯𑀫𑁂𑀯 𑀔𑁄, 𑀫𑀳𑀸𑀭𑀸𑀚, 𑀬𑁄𑀕𑀺𑀦𑀸 𑀬𑁄𑀕𑀸𑀯𑀘𑀭𑁂𑀦 𑀅𑀭𑀳𑀢𑁆𑀢𑁂 𑀅𑀪𑀺𑀯𑀟𑁆𑀠𑀺𑀢𑀼𑀓𑀸𑀫𑁂𑀦 𑀫𑀦𑀲𑀸 𑀆𑀭𑀫𑁆𑀫𑀡𑀁 𑀆𑀮𑀫𑁆𑀩𑀺𑀢𑁆𑀯𑀸 𑀅𑀭𑀳𑀢𑁆𑀢𑁂 𑀅𑀪𑀺𑀯𑀟𑁆𑀠𑀺𑀢𑀩𑁆𑀩𑀁. 𑀇𑀤𑀁, 𑀫𑀳𑀸𑀭𑀸𑀚, 𑀮𑀸𑀩𑀼𑀮𑀢𑀸𑀬 𑀏𑀓𑀁 𑀅𑀗𑁆𑀕𑀁 𑀕𑀳𑁂𑀢𑀩𑁆𑀩𑀁. 𑀪𑀸𑀲𑀺𑀢𑀫𑁆𑀧𑁂𑀢𑀁, 𑀫𑀳𑀸𑀭𑀸𑀚, 𑀣𑁂𑀭𑁂𑀦 𑀲𑀸𑀭𑀺𑀧𑀼𑀢𑁆𑀢𑁂𑀦 𑀥𑀫𑁆𑀫𑀲𑁂𑀦𑀸𑀧𑀢𑀺𑀦𑀸 𑁋

‘‘‘𑀬𑀣𑀸 𑀮𑀸𑀩𑀼𑀮𑀢𑀸 𑀦𑀸𑀫, 𑀢𑀺𑀡𑁂 𑀓𑀝𑁆𑀞𑁂 𑀮𑀢𑀸𑀬 𑀯𑀸;

𑀆𑀮𑀫𑁆𑀩𑀺𑀢𑁆𑀯𑀸 𑀲𑁄𑀡𑁆𑀟𑀺𑀓𑀸𑀳𑀺, 𑀢𑀢𑁄 𑀯𑀟𑁆𑀠𑀢𑀺 𑀉𑀧𑁆𑀧𑀭𑀺.

‘‘‘𑀢𑀣𑁂𑀯 𑀩𑀼𑀤𑁆𑀥𑀧𑀼𑀢𑁆𑀢𑁂𑀦, 𑀅𑀭𑀳𑀢𑁆𑀢𑀨𑀮𑀓𑀸𑀫𑀺𑀦𑀸;

𑀆𑀭𑀫𑁆𑀫𑀡𑀁 𑀆𑀮𑀫𑁆𑀩𑀺𑀢𑁆𑀯𑀸, 𑀯𑀟𑁆𑀠𑀺𑀢𑀩𑁆𑀩𑀁 𑀅𑀲𑁂𑀓𑁆𑀔𑀨𑀮𑁂’’’𑀢𑀺.

𑀮𑀸𑀩𑀼𑀮𑀢𑀗𑁆𑀕𑀧𑀜𑁆𑀳𑁄 𑀧𑀞𑀫𑁄.