𑁭. 𑀬𑁄𑀦𑀺𑀲𑁄𑀫𑀦𑀲𑀺𑀓𑀸𑀭𑀧𑀜𑁆𑀳𑁄

𑁭. 𑀭𑀸𑀚𑀸 𑀆𑀳 ‘‘𑀪𑀦𑁆𑀢𑁂 𑀦𑀸𑀕𑀲𑁂𑀦, 𑀬𑁄 𑀦 𑀧𑀝𑀺𑀲𑀦𑁆𑀤𑀳𑀢𑀺, 𑀦𑀦𑀼 𑀲𑁄 𑀬𑁄𑀦𑀺𑀲𑁄 𑀫𑀦𑀲𑀺𑀓𑀸𑀭𑁂𑀦 𑀦 𑀧𑀝𑀺𑀲𑀦𑁆𑀤𑀳𑀢𑀻’’𑀢𑀺? ‘‘𑀬𑁄𑀦𑀺𑀲𑁄 𑀘 𑀫𑀳𑀸𑀭𑀸𑀚, 𑀫𑀦𑀲𑀺𑀓𑀸𑀭𑁂𑀦 𑀧𑀜𑁆𑀜𑀸𑀬 𑀘 𑀅𑀜𑁆𑀜𑁂𑀳𑀺 𑀘 𑀓𑀼𑀲𑀮𑁂𑀳𑀺 𑀥𑀫𑁆𑀫𑁂𑀳𑀻’’𑀢𑀺. ‘‘𑀦𑀦𑀼, 𑀪𑀦𑁆𑀢𑁂, 𑀬𑁄𑀦𑀺𑀲𑁄 𑀫𑀦𑀲𑀺𑀓𑀸𑀭𑁄 𑀬𑁂𑀯 𑀧𑀜𑁆𑀜𑀸’’𑀢𑀺? ‘‘𑀦 𑀳𑀺, 𑀫𑀳𑀸𑀭𑀸𑀚, 𑀅𑀜𑁆𑀜𑁄 𑀫𑀦𑀲𑀺𑀓𑀸𑀭𑁄, 𑀅𑀜𑁆𑀜𑀸 𑀧𑀜𑁆𑀜𑀸, 𑀇𑀫𑁂𑀲𑀁 𑀔𑁄, 𑀫𑀳𑀸𑀭𑀸𑀚, 𑀅𑀚𑁂𑀴𑀓𑀕𑁄𑀡𑀫𑀳𑀺𑀁𑀲𑀑𑀝𑁆𑀞𑀕𑀤𑁆𑀭𑀪𑀸𑀦𑀫𑁆𑀧𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀧𑀜𑁆𑀜𑀸 𑀧𑀦 𑀢𑁂𑀲𑀁 𑀦𑀢𑁆𑀣𑀻’’𑀢𑀺.

‘‘𑀓𑀮𑁆𑀮𑁄𑀲𑀺, 𑀪𑀦𑁆𑀢𑁂 𑀦𑀸𑀕𑀲𑁂𑀦𑀸’’𑀢𑀺.

𑀬𑁄𑀦𑀺𑀲𑁄𑀫𑀦𑀲𑀺𑀓𑀸𑀭𑀧𑀜𑁆𑀳𑁄 𑀲𑀢𑁆𑀢𑀫𑁄.