𑁮. 𑀫𑁄𑀦𑁂𑀬𑁆𑀬𑀲𑀼𑀢𑁆𑀢𑀁

𑁬𑁭. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀪𑀕𑀯𑀢𑀸, 𑀯𑀼𑀢𑁆𑀢𑀫𑀭𑀳𑀢𑀸𑀢𑀺 𑀫𑁂 𑀲𑀼𑀢𑀁 𑁋

‘‘𑀢𑀻𑀡𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀫𑁄𑀦𑁂𑀬𑁆𑀬𑀸𑀦𑀺. 𑀓𑀢𑀫𑀸𑀦𑀺 𑀢𑀻𑀡𑀺? 𑀓𑀸𑀬𑀫𑁄𑀦𑁂𑀬𑁆𑀬𑀁, 𑀯𑀘𑀻𑀫𑁄𑀦𑁂𑀬𑁆𑀬𑀁, 𑀫𑀦𑁄𑀫𑁄𑀦𑁂𑀬𑁆𑀬𑀁 𑁋 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀢𑀻𑀡𑀺 𑀫𑁄𑀦𑁂𑀬𑁆𑀬𑀸𑀦𑀻’’𑀢𑀺. 𑀏𑀢𑀫𑀢𑁆𑀣𑀁 𑀪𑀕𑀯𑀸 𑀅𑀯𑁄𑀘. 𑀢𑀢𑁆𑀣𑁂𑀢𑀁 𑀇𑀢𑀺 𑀯𑀼𑀘𑁆𑀘𑀢𑀺 𑁋

‘‘𑀓𑀸𑀬𑀫𑀼𑀦𑀺𑀁 𑀯𑀘𑀻𑀫𑀼𑀦𑀺𑀁, 𑀫𑀦𑁄𑀫𑀼𑀦𑀺𑀫𑀦𑀸𑀲𑀯𑀁;

𑀫𑀼𑀦𑀺𑀁 𑀫𑁄𑀦𑁂𑀬𑁆𑀬𑀲𑀫𑁆𑀧𑀦𑁆𑀦𑀁, 𑀆𑀳𑀼 𑀦𑀺𑀦𑁆𑀳𑀸𑀢𑀧𑀸𑀧𑀓’’𑀦𑁆𑀢𑀺 [𑀆𑀳𑀼 𑀲𑀩𑁆𑀩𑀧𑁆𑀧𑀳𑀸𑀬𑀺𑀦𑀦𑁆𑀢𑀺 (𑀅. 𑀦𑀺. 𑁩.𑁧𑁨𑁩)].

𑀅𑀬𑀫𑁆𑀧𑀺 𑀅𑀢𑁆𑀣𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸, 𑀇𑀢𑀺 𑀫𑁂 𑀲𑀼𑀢𑀦𑁆𑀢𑀺. 𑀅𑀝𑁆𑀞𑀫𑀁.