𑁫. 𑀫𑀼𑀲𑀸𑀯𑀸𑀤𑀲𑀼𑀢𑁆𑀢𑀁

𑁨𑁫. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀪𑀕𑀯𑀢𑀸, 𑀯𑀼𑀢𑁆𑀢𑀫𑀭𑀳𑀢𑀸𑀢𑀺 𑀫𑁂 𑀲𑀼𑀢𑀁 𑁋

‘‘𑀏𑀓𑀥𑀫𑁆𑀫𑀁 𑀅𑀢𑀻𑀢𑀲𑁆𑀲, 𑀪𑀺𑀓𑁆𑀔𑀯𑁂, 𑀧𑀼𑀭𑀺𑀲𑀧𑀼𑀕𑁆𑀕𑀮𑀲𑁆𑀲 𑀦𑀸𑀳𑀁 𑀢𑀲𑁆𑀲 𑀓𑀺𑀜𑁆𑀘𑀺 𑀧𑀸𑀧𑀓𑀫𑁆𑀫𑀁 𑀅𑀓𑀭𑀡𑀻𑀬𑀦𑁆𑀢𑀺 𑀯𑀤𑀸𑀫𑀺. 𑀓𑀢𑀫𑀁 𑀏𑀓𑀥𑀫𑁆𑀫𑀁? 𑀬𑀤𑀺𑀤𑀁 [𑀬𑀣𑀬𑀺𑀤𑀁 (𑀲𑀻. 𑀲𑁆𑀬𑀸. 𑀓.), 𑀬𑀣𑀸𑀬𑀺𑀤𑀁 (𑀧𑀻.)] 𑀪𑀺𑀓𑁆𑀔𑀯𑁂, 𑀲𑀫𑁆𑀧𑀚𑀸𑀦𑀫𑀼𑀲𑀸𑀯𑀸𑀤𑁄’’𑀢𑀺. 𑀏𑀢𑀫𑀢𑁆𑀣𑀁 𑀪𑀕𑀯𑀸 𑀅𑀯𑁄𑀘. 𑀢𑀢𑁆𑀣𑁂𑀢𑀁 𑀇𑀢𑀺 𑀯𑀼𑀘𑁆𑀘𑀢𑀺 𑁋

‘‘𑀏𑀓𑀥𑀫𑁆𑀫𑀁 𑀅𑀢𑀻𑀢𑀲𑁆𑀲, 𑀫𑀼𑀲𑀸𑀯𑀸𑀤𑀺𑀲𑁆𑀲 𑀚𑀦𑁆𑀢𑀼𑀦𑁄;

𑀯𑀺𑀢𑀺𑀡𑁆𑀡𑀧𑀭𑀮𑁄𑀓𑀲𑁆𑀲, 𑀦𑀢𑁆𑀣𑀺 𑀧𑀸𑀧𑀁 𑀅𑀓𑀸𑀭𑀺𑀬’’𑀦𑁆𑀢𑀺.

𑀅𑀬𑀫𑁆𑀧𑀺 𑀅𑀢𑁆𑀣𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸, 𑀇𑀢𑀺 𑀫𑁂 𑀲𑀼𑀢𑀦𑁆𑀢𑀺. 𑀧𑀜𑁆𑀘𑀫𑀁.