𑁬. 𑀦𑀺𑀫𑀺𑀭𑀸𑀚𑀘𑀭𑀺𑀬𑀸

𑁪𑁦. ‘‘𑀧𑀼𑀦𑀸𑀧𑀭𑀁 𑀬𑀤𑀸 𑀳𑁄𑀫𑀺, 𑀫𑀺𑀣𑀺𑀮𑀸𑀬𑀁 𑀧𑀼𑀭𑀼𑀢𑁆𑀢𑀫𑁂;

𑀦𑀺𑀫𑀺 𑀦𑀸𑀫 𑀫𑀳𑀸𑀭𑀸𑀚𑀸, 𑀧𑀡𑁆𑀟𑀺𑀢𑁄 𑀓𑀼𑀲𑀮𑀢𑁆𑀣𑀺𑀓𑁄.

𑁪𑁧. ‘‘𑀢𑀤𑀸𑀳𑀁 𑀫𑀸𑀧𑀬𑀺𑀢𑁆𑀯𑀸𑀦, 𑀘𑀢𑀼𑀲𑁆𑀲𑀸𑀮𑀁 𑀘𑀢𑀼𑀫𑁆𑀫𑀼𑀔𑀁;

𑀢𑀢𑁆𑀣 𑀤𑀸𑀦𑀁 𑀧𑀯𑀢𑁆𑀢𑁂𑀲𑀺𑀁, 𑀫𑀺𑀕𑀧𑀓𑁆𑀔𑀺𑀦𑀭𑀸𑀤𑀺𑀦𑀁.

𑁪𑁨. ‘‘𑀅𑀘𑁆𑀙𑀸𑀤𑀦𑀜𑁆𑀘 𑀲𑀬𑀦𑀁, 𑀅𑀦𑁆𑀦𑀁 𑀧𑀸𑀦𑀜𑁆𑀘 𑀪𑁄𑀚𑀦𑀁;

𑀅𑀩𑁆𑀩𑁄𑀘𑁆𑀙𑀺𑀦𑁆𑀦𑀁 𑀓𑀭𑀺𑀢𑁆𑀯𑀸𑀦, 𑀫𑀳𑀸𑀤𑀸𑀦𑀁 𑀧𑀯𑀢𑁆𑀢𑀬𑀺𑀁.

𑁪𑁩. ‘‘𑀬𑀣𑀸𑀧𑀺 𑀲𑁂𑀯𑀓𑁄 𑀲𑀸𑀫𑀺𑀁, 𑀥𑀦𑀳𑁂𑀢𑀼𑀫𑀼𑀧𑀸𑀕𑀢𑁄;

𑀓𑀸𑀬𑁂𑀦 𑀯𑀸𑀘𑀸 𑀫𑀦𑀲𑀸, 𑀆𑀭𑀸𑀥𑀦𑀻𑀬𑀫𑁂𑀲𑀢𑀺.

𑁪𑁪. ‘‘𑀢𑀣𑁂𑀯𑀸𑀳𑀁 𑀲𑀩𑁆𑀩𑀪𑀯𑁂, 𑀧𑀭𑀺𑀬𑁂𑀲𑀺𑀲𑁆𑀲𑀸𑀫𑀺 𑀩𑁄𑀥𑀺𑀚𑀁;

𑀤𑀸𑀦𑁂𑀦 𑀲𑀢𑁆𑀢𑁂 𑀢𑀧𑁆𑀧𑁂𑀢𑁆𑀯𑀸, 𑀇𑀘𑁆𑀙𑀸𑀫𑀺 𑀩𑁄𑀥𑀺𑀫𑀼𑀢𑁆𑀢𑀫’’𑀦𑁆𑀢𑀺.

𑀦𑀺𑀫𑀺𑀭𑀸𑀚𑀘𑀭𑀺𑀬𑀁 𑀙𑀝𑁆𑀞𑀁.