𑁯. 𑀩𑁄𑀥𑀺𑀲𑀺𑀜𑁆𑀘𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁪𑁬. ‘‘𑀯𑀺𑀧𑀲𑁆𑀲𑀺𑀲𑁆𑀲 𑀪𑀕𑀯𑀢𑁄, 𑀫𑀳𑀸𑀩𑁄𑀥𑀺𑀫𑀳𑁄 𑀅𑀳𑀼;

𑀧𑀩𑁆𑀩𑀚𑁆𑀚𑀼𑀧𑀕𑀢𑁄 𑀲𑀦𑁆𑀢𑁄, 𑀉𑀧𑀕𑀘𑁆𑀙𑀺𑀁 𑀅𑀳𑀁 𑀢𑀤𑀸.

𑁪𑁭. ‘‘𑀓𑀼𑀲𑀼𑀫𑁄𑀤𑀓𑀫𑀸𑀤𑀸𑀬, 𑀩𑁄𑀥𑀺𑀬𑀸 𑀑𑀓𑀺𑀭𑀺𑀁 𑀅𑀳𑀁;

𑀫𑁄𑀘𑀬𑀺𑀲𑁆𑀲𑀢𑀺 𑀦𑁄 𑀫𑀼𑀢𑁆𑀢𑁄, 𑀦𑀺𑀩𑁆𑀩𑀸𑀧𑁂𑀲𑁆𑀲𑀢𑀺 𑀦𑀺𑀩𑁆𑀩𑀼𑀢𑁄.

𑁪𑁮. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀩𑁄𑀥𑀺𑀫𑀪𑀺𑀲𑀺𑀜𑁆𑀘𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑁄𑀥𑀺𑀲𑀺𑀜𑁆𑀘𑀸𑀬𑀺𑀤𑀁 𑀨𑀮𑀁.

𑁪𑁯. ‘‘𑀢𑁂𑀢𑁆𑀢𑀺𑀁𑀲𑁂 𑀯𑀢𑁆𑀢𑀫𑀸𑀦𑀫𑁆𑀳𑀺, 𑀓𑀧𑁆𑀧𑁂 𑀆𑀲𑀼𑀁 𑀚𑀦𑀸𑀥𑀺𑀧𑀸;

𑀉𑀤𑀓𑀲𑁂𑀘𑀦𑀸 𑀦𑀸𑀫, 𑀅𑀝𑁆𑀞𑁂𑀢𑁂 𑀘𑀓𑁆𑀓𑀯𑀢𑁆𑀢𑀺𑀦𑁄.

𑁫𑁦. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀩𑁄𑀥𑀺𑀲𑀺𑀜𑁆𑀘𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀩𑁄𑀥𑀺𑀲𑀺𑀜𑁆𑀘𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀦𑀯𑀫𑀁.