𑁮. 𑀧𑀸𑀝𑀮𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁬. ‘‘𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀕𑀘𑁆𑀙𑀦𑁆𑀢𑀁 𑀅𑀦𑁆𑀢𑀭𑀸𑀧𑀡𑁂;

𑀓𑀜𑁆𑀘𑀦𑀕𑁆𑀖𑀺𑀬𑀲𑀗𑁆𑀓𑀸𑀲𑀁, 𑀩𑀸𑀢𑁆𑀢𑀺𑀁𑀲𑀯𑀭𑀮𑀓𑁆𑀔𑀡𑀁.

𑁩𑁭. ‘‘𑀲𑁂𑀝𑁆𑀞𑀺𑀧𑀼𑀢𑁆𑀢𑁄 𑀢𑀤𑀸 𑀆𑀲𑀺𑀁, 𑀲𑀼𑀔𑀼𑀫𑀸𑀮𑁄 𑀲𑀼𑀔𑁂𑀥𑀺𑀢𑁄;

𑀉𑀘𑁆𑀙𑀗𑁆𑀕𑁂 𑀧𑀸𑀝𑀮𑀺𑀧𑀼𑀧𑁆𑀨𑀁, 𑀓𑀢𑁆𑀯𑀸𑀦 [𑀓𑀢𑁆𑀯𑀸 𑀢𑀁 (𑀲𑀻. 𑀲𑁆𑀬𑀸.)] 𑀅𑀪𑀺𑀲𑀁𑀳𑀭𑀺𑀁.

𑁩𑁮. ‘‘𑀳𑀝𑁆𑀞𑁄 𑀳𑀝𑁆𑀞𑁂𑀦 𑀘𑀺𑀢𑁆𑀢𑁂𑀦, 𑀧𑀼𑀧𑁆𑀨𑁂𑀳𑀺 𑀅𑀪𑀺𑀧𑀽𑀚𑀬𑀺𑀁;

𑀢𑀺𑀲𑁆𑀲𑀁 𑀮𑁄𑀓𑀯𑀺𑀤𑀼𑀁 𑀦𑀸𑀣𑀁, 𑀦𑀭𑀤𑁂𑀯𑀁 𑀦𑀫𑀲𑁆𑀲𑀳𑀁.

𑁩𑁯. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀓𑀫𑁆𑀫𑀫𑀓𑀭𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀼𑀧𑁆𑀨𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁪𑁦. ‘‘𑀇𑀢𑁄 𑀢𑁂𑀲𑀝𑁆𑀞𑀺𑀓𑀧𑁆𑀧𑀫𑁆𑀳𑀺, 𑀅𑀪𑀺𑀲𑀫𑁆𑀫𑀢𑀦𑀸𑀫𑀓𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁪𑁧. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀸𑀝𑀮𑀺𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀸𑀝𑀮𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀅𑀝𑁆𑀞𑀫𑀁.