𑁭. 𑀲𑀬𑀦𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁮𑁮. ‘‘𑀲𑀺𑀤𑁆𑀥𑀢𑁆𑀣𑀲𑁆𑀲 𑀪𑀕𑀯𑀢𑁄, 𑀫𑁂𑀢𑁆𑀢𑀘𑀺𑀢𑁆𑀢𑀲𑁆𑀲 𑀢𑀸𑀤𑀺𑀦𑁄;

𑀲𑀬𑀦𑀕𑁆𑀕𑀁 𑀫𑀬𑀸 𑀤𑀺𑀦𑁆𑀦𑀁, 𑀤𑀼𑀲𑁆𑀲𑀪𑀡𑁆𑀟𑁂𑀳𑀺 [𑀤𑀼𑀲𑁆𑀲𑀪𑀡𑁆𑀟𑁂𑀦 (𑀲𑁆𑀬𑀸.)] 𑀅𑀢𑁆𑀣𑀢𑀁.

𑁮𑁯. ‘‘𑀧𑀝𑀺𑀕𑁆𑀕𑀳𑁂𑀲𑀺 𑀪𑀕𑀯𑀸, 𑀓𑀧𑁆𑀧𑀺𑀬𑀁 𑀲𑀬𑀦𑀸𑀲𑀦𑀁;

𑀉𑀝𑁆𑀞𑀸𑀬 𑀲𑀬𑀦𑀸 [𑀆𑀲𑀦𑀸 (𑀲𑀻.)] 𑀢𑀫𑁆𑀳𑀸, 𑀯𑁂𑀳𑀸𑀲𑀁 𑀉𑀕𑁆𑀕𑀫𑀻 𑀚𑀺𑀦𑁄.

𑁯𑁦. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀲𑀬𑀦𑀫𑀤𑀸𑀲𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀲𑀬𑀦𑀲𑁆𑀲 𑀇𑀤𑀁 𑀨𑀮𑀁.

𑁯𑁧. ‘‘𑀏𑀓𑀧𑀜𑁆𑀜𑀸𑀲𑀺𑀢𑁄 𑀓𑀧𑁆𑀧𑁂, 𑀯𑀭𑀓𑁄 [𑀯𑀭𑀼𑀡𑁄 (𑀲𑀻. 𑀲𑁆𑀬𑀸.)] 𑀤𑁂𑀯𑀲𑀯𑁆𑀳𑀬𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁯𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀬𑀦𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀬𑀦𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀲𑀢𑁆𑀢𑀫𑀁.