𑁫. 𑀦𑀸𑀕𑀧𑀮𑁆𑀮𑀯𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁧𑁮. ‘‘𑀦𑀕𑀭𑁂 𑀩𑀦𑁆𑀥𑀼𑀫𑀢𑀺𑀬𑀸, 𑀭𑀸𑀚𑀼𑀬𑁆𑀬𑀸𑀦𑁂 𑀯𑀲𑀸𑀫𑀳𑀁;

𑀫𑀫 𑀅𑀲𑁆𑀲𑀫𑀲𑀸𑀫𑀦𑁆𑀢𑀸, 𑀦𑀺𑀲𑀻𑀤𑀺 𑀮𑁄𑀓𑀦𑀸𑀬𑀓𑁄.

𑁧𑁧𑁯. ‘‘𑀦𑀸𑀕𑀧𑀮𑁆𑀮𑀯𑀫𑀸𑀤𑀸𑀬, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁;

𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀲𑀼𑀕𑀢𑀁 𑀅𑀪𑀺𑀯𑀸𑀤𑀬𑀺𑀁.

𑁧𑁨𑁦. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀮𑁆𑀮𑀯𑀫𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁧𑁨𑁧. ‘‘𑀓𑀺𑀮𑁂𑀲𑀸 𑀛𑀸𑀧𑀺𑀢𑀸 𑀫𑀬𑁆𑀳𑀁…𑀧𑁂… 𑀯𑀺𑀳𑀭𑀸𑀫𑀺 𑀅𑀦𑀸𑀲𑀯𑁄.

𑁧𑁨𑁨. ‘‘𑀲𑁆𑀯𑀸𑀕𑀢𑀁 𑀯𑀢 𑀫𑁂 𑀆𑀲𑀺…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁.

𑁧𑁨𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀦𑀸𑀕𑀧𑀮𑁆𑀮𑀯𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀦𑀸𑀕𑀧𑀮𑁆𑀮𑀯𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.