𑁮. 𑀲𑀴𑀮𑀫𑀡𑁆𑀟𑀧𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁪𑁪𑁯. ‘‘𑀦𑀺𑀩𑁆𑀩𑀼𑀢𑁂 𑀓𑀓𑀼𑀲𑀦𑁆𑀥𑀫𑁆𑀳𑀺, 𑀩𑁆𑀭𑀸𑀳𑁆𑀫𑀡𑀫𑁆𑀳𑀺 𑀯𑀼𑀲𑀻𑀫𑀢𑀺;

𑀕𑀳𑁂𑀢𑁆𑀯𑀸 𑀲𑀴𑀮𑀁 𑀫𑀸𑀮𑀁, 𑀫𑀡𑁆𑀟𑀧𑀁 𑀓𑀸𑀭𑀬𑀺𑀁 𑀅𑀳𑀁.

𑁪𑁫𑁦. ‘‘𑀢𑀸𑀯𑀢𑀺𑀁𑀲𑀕𑀢𑁄 𑀲𑀦𑁆𑀢𑁄, 𑀮𑀪𑀸𑀫𑀺 𑀩𑁆𑀬𑀫𑁆𑀳𑀫𑀼𑀢𑁆𑀢𑀫𑀁;

𑀅𑀜𑁆𑀜𑁂 𑀤𑁂𑀯𑁂𑀢𑀺𑀭𑁄𑀘𑀸𑀫𑀺, 𑀧𑀼𑀜𑁆𑀜𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁪𑁫𑁧. ‘‘𑀤𑀺𑀯𑀸 𑀯𑀸 𑀬𑀤𑀺 𑀯𑀸 𑀭𑀢𑁆𑀢𑀺𑀁, 𑀘𑀗𑁆𑀓𑀫𑀦𑁆𑀢𑁄 𑀞𑀺𑀢𑁄 𑀘𑀳𑀁;

𑀙𑀦𑁆𑀦𑁄 𑀲𑀴𑀮𑀧𑀼𑀧𑁆𑀨𑁂𑀳𑀺, 𑀧𑀼𑀜𑁆𑀜𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁪𑁫𑁨. ‘‘𑀇𑀫𑀲𑁆𑀫𑀺𑀁𑀬𑁂𑀯 𑀓𑀧𑁆𑀧𑀫𑁆𑀳𑀺, 𑀬𑀁 𑀩𑀼𑀤𑁆𑀥𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁪𑁫𑁩. ‘‘𑀓𑀺𑀮𑁂𑀲𑀸 𑀛𑀸𑀧𑀺𑀢𑀸 𑀫𑀬𑁆𑀳𑀁…𑀧𑁂… 𑀯𑀺𑀳𑀭𑀸𑀫𑀺 𑀅𑀦𑀸𑀲𑀯𑁄.

𑁪𑁫𑁪. ‘‘𑀲𑁆𑀯𑀸𑀕𑀢𑀁 𑀯𑀢 𑀫𑁂 𑀆𑀲𑀺…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁.

𑁪𑁫𑁫. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀴𑀮𑀫𑀡𑁆𑀟𑀧𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀴𑀮𑀫𑀡𑁆𑀟𑀧𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀅𑀝𑁆𑀞𑀫𑀁.