𑁭. 𑀓𑀤𑀮𑀺𑀨𑀮𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁭. ‘‘𑀓𑀡𑀺𑀓𑀸𑀭𑀁𑀯 𑀚𑀮𑀺𑀢𑀁, 𑀧𑀼𑀡𑁆𑀡𑀫𑀸𑀬𑁂𑀯 [𑀧𑀼𑀡𑁆𑀡𑀫𑀸𑀲𑁂𑀯 (𑀲𑀻. 𑀓.)] 𑀘𑀦𑁆𑀤𑀺𑀫𑀁;

𑀚𑀮𑀦𑁆𑀢𑀁 𑀤𑀻𑀧𑀭𑀼𑀓𑁆𑀔𑀁𑀯, 𑀅𑀤𑁆𑀤𑀲𑀁 𑀮𑁄𑀓𑀦𑀸𑀬𑀓𑀁.

𑁩𑁮. ‘‘𑀓𑀤𑀮𑀺𑀨𑀮𑀁 𑀧𑀕𑁆𑀕𑀬𑁆𑀳, 𑀅𑀤𑀸𑀲𑀺𑀁 𑀲𑀢𑁆𑀣𑀼𑀦𑁄 𑀅𑀳𑀁;

𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀯𑀦𑁆𑀤𑀺𑀢𑁆𑀯𑀸𑀦 𑀅𑀧𑀓𑁆𑀓𑀫𑀺𑀁.

𑁩𑁯. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀨𑀮𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀨𑀮𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁪𑁦. ‘‘𑀓𑀺𑀮𑁂𑀲𑀸 𑀛𑀸𑀧𑀺𑀢𑀸 𑀫𑀬𑁆𑀳𑀁…𑀧𑁂… 𑀯𑀺𑀳𑀭𑀸𑀫𑀺 𑀅𑀦𑀸𑀲𑀯𑁄.

𑁪𑁧. ‘‘𑀲𑁆𑀯𑀸𑀕𑀢𑀁 𑀯𑀢 𑀫𑁂 𑀆𑀲𑀺…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁.

𑁪𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀓𑀤𑀮𑀺𑀨𑀮𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀓𑀤𑀮𑀺𑀨𑀮𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀲𑀢𑁆𑀢𑀫𑀁.