𑁩. 𑀧𑀼𑀦𑁆𑀦𑀸𑀕𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁪. ‘‘𑀓𑀸𑀦𑀦𑀁 𑀯𑀦𑀫𑁄𑀕𑀬𑁆𑀳, 𑀯𑀲𑀸𑀫𑀺 𑀮𑀼𑀤𑁆𑀤𑀓𑁄 𑀅𑀳𑀁;

𑀧𑀼𑀦𑁆𑀦𑀸𑀕𑀁 𑀧𑀼𑀧𑁆𑀨𑀺𑀢𑀁 𑀤𑀺𑀲𑁆𑀯𑀸, 𑀩𑀼𑀤𑁆𑀥𑀲𑁂𑀝𑁆𑀞𑀁 𑀅𑀦𑀼𑀲𑁆𑀲𑀭𑀺𑀁.

𑁧𑁫. ‘‘𑀢𑀁 𑀧𑀼𑀧𑁆𑀨𑀁 𑀑𑀘𑀺𑀦𑀺𑀢𑁆𑀯𑀸𑀦, 𑀲𑀼𑀕𑀦𑁆𑀥𑀁 𑀕𑀦𑁆𑀥𑀺𑀢𑀁 𑀲𑀼𑀪𑀁;

𑀣𑀽𑀧𑀁 𑀓𑀢𑁆𑀯𑀸𑀦 𑀧𑀼𑀮𑀺𑀦𑁂, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁧𑁬. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁧𑁭. ‘‘𑀏𑀓𑀫𑁆𑀳𑀺 𑀦𑀯𑀼𑀢𑁂 𑀓𑀧𑁆𑀧𑁂, 𑀏𑀓𑁄 𑀆𑀲𑀺𑀁 𑀢𑀫𑁄𑀦𑀼𑀤𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁧𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀼𑀦𑁆𑀦𑀸𑀕𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀼𑀦𑁆𑀦𑀸𑀕𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.