𑁬. 𑀅𑀦𑁆𑀦𑀲𑀁𑀲𑀸𑀯𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁪. ‘‘𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀕𑀘𑁆𑀙𑀦𑁆𑀢𑀁 𑀅𑀦𑁆𑀢𑀭𑀸𑀧𑀡𑁂;

𑀓𑀜𑁆𑀘𑀦𑀕𑁆𑀖𑀺𑀬𑀲𑀗𑁆𑀓𑀸𑀲𑀁, 𑀩𑀸𑀢𑁆𑀢𑀺𑀁𑀲𑀯𑀭𑀮𑀓𑁆𑀔𑀡𑀁.

𑁩𑁫. ‘‘𑀲𑀺𑀤𑁆𑀥𑀢𑁆𑀣𑀁 𑀲𑀩𑁆𑀩𑀲𑀺𑀤𑁆𑀥𑀢𑁆𑀣𑀁, 𑀅𑀦𑁂𑀚𑀁 𑀅𑀧𑀭𑀸𑀚𑀺𑀢𑀁;

𑀲𑀫𑁆𑀩𑀼𑀤𑁆𑀥𑀁 𑀅𑀢𑀺𑀦𑀸𑀫𑁂𑀢𑁆𑀯𑀸, 𑀪𑁄𑀚𑀬𑀺𑀁 𑀢𑀁 𑀫𑀳𑀸𑀫𑀼𑀦𑀺𑀁.

𑁩𑁬. ‘‘𑀫𑀼𑀦𑀺 𑀓𑀸𑀭𑀼𑀡𑀺𑀓𑁄 𑀮𑁄𑀓𑁂, 𑀑𑀪𑀸𑀲𑀬𑀺 𑀫𑀫𑀁 𑀢𑀤𑀸;

𑀩𑀼𑀤𑁆𑀥𑁂 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸, 𑀓𑀧𑁆𑀧𑀁 𑀲𑀕𑁆𑀕𑀫𑁆𑀳𑀺 𑀫𑁄𑀤𑀳𑀁.

𑁩𑁭. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀤𑀸𑀦𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀪𑀺𑀓𑁆𑀔𑀸𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁩𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀅𑀦𑁆𑀦𑀲𑀁𑀲𑀸𑀯𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺;

𑀅𑀦𑁆𑀦𑀲𑀁𑀲𑀸𑀯𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.