𑁩. 𑀕𑀢𑀲𑀜𑁆𑀜𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁦. ‘‘𑀆𑀓𑀸𑀲𑁂𑀯 𑀧𑀤𑀁 𑀦𑀢𑁆𑀣𑀺, 𑀅𑀫𑁆𑀩𑀭𑁂 𑀅𑀦𑀺𑀮𑀜𑁆𑀚𑀲𑁂;

𑀲𑀺𑀤𑁆𑀥𑀢𑁆𑀣𑀁 𑀚𑀺𑀦𑀫𑀤𑁆𑀤𑀓𑁆𑀔𑀺𑀁, 𑀕𑀘𑁆𑀙𑀦𑁆𑀢𑀁 𑀢𑀺𑀤𑀺𑀯𑀗𑁆𑀕𑀡𑁂 [𑀢𑀺𑀤𑀺𑀯𑀗𑁆𑀕𑀡𑀁 (𑀲𑁆𑀬𑀸. 𑀓.)].

𑁧𑁧. ‘‘𑀅𑀦𑀺𑀮𑁂𑀦𑁂𑀭𑀺𑀢𑀁 𑀤𑀺𑀲𑁆𑀯𑀸, 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀘𑀻𑀯𑀭𑀁;

𑀯𑀺𑀢𑁆𑀢𑀺 𑀫𑀫𑀸𑀳𑀼 𑀢𑀸𑀯𑀤𑁂 [𑀯𑀺𑀢𑁆𑀢𑀺 𑀫𑁂 𑀧𑀸𑀳𑀼𑀡𑀸 𑀢𑀸𑀯 (𑀲𑁆𑀬𑀸.), 𑀯𑀺𑀢𑁆𑀢𑀺 𑀫𑁂 𑀢𑀸𑀯𑀤𑁂 𑀚𑀸𑀢𑀸 (𑀲𑀻.)], 𑀤𑀺𑀲𑁆𑀯𑀸𑀦 𑀕𑀫𑀦𑀁 𑀫𑀼𑀦𑀺𑀁 [𑀫𑀼𑀦𑁂 (𑀲𑀻.)].

𑁧𑁨. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀲𑀜𑁆𑀜𑀫𑀮𑀪𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀲𑀜𑁆𑀜𑀸𑀬𑀺𑀤𑀁 𑀨𑀮𑀁.

𑁧𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀕𑀢𑀲𑀜𑁆𑀜𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀕𑀢𑀲𑀜𑁆𑀜𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.