𑁧𑁦. 𑀧𑀩𑁆𑀪𑀸𑀭𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁪𑁭. ‘‘𑀧𑀺𑀬𑀤𑀲𑁆𑀲𑀺𑀦𑁄 𑀪𑀕𑀯𑀢𑁄, 𑀧𑀩𑁆𑀪𑀸𑀭𑁄 𑀲𑁄𑀥𑀺𑀢𑁄 𑀫𑀬𑀸;

𑀖𑀝𑀓𑀜𑁆𑀘 𑀉𑀧𑀝𑁆𑀞𑀸𑀲𑀺𑀁, 𑀧𑀭𑀺𑀪𑁄𑀕𑀸𑀬 𑀢𑀸𑀤𑀺𑀦𑁄.

𑁪𑁮. ‘‘𑀢𑀁 𑀫𑁂 𑀩𑀼𑀤𑁆𑀥𑁄 𑀯𑀺𑀬𑀸𑀓𑀸𑀲𑀺, 𑀧𑀺𑀬𑀤𑀲𑁆𑀲𑀻 𑀫𑀳𑀸𑀫𑀼𑀦𑀺;

𑀲𑀳𑀲𑁆𑀲𑀓𑀡𑁆𑀟𑁄 𑀲𑀢𑀪𑁂𑀡𑁆𑀟𑀼 [𑀲𑀢𑀕𑁂𑀡𑁆𑀟𑀼 (𑀲𑁆𑀬𑀸. 𑀓.)], 𑀥𑀚𑀸𑀮𑀼 𑀳𑀭𑀺𑀢𑀸𑀫𑀬𑁄.

𑁪𑁯. ‘‘𑀦𑀺𑀩𑁆𑀩𑀢𑁆𑀢𑀺𑀲𑁆𑀲𑀢𑀺 𑀲𑁄 𑀬𑀽𑀧𑁄, 𑀭𑀢𑀦𑀜𑁆𑀘 𑀅𑀦𑀧𑁆𑀧𑀓𑀁;

𑀧𑀩𑁆𑀪𑀸𑀭𑀤𑀸𑀦𑀁 𑀤𑀢𑁆𑀯𑀸𑀦, 𑀓𑀧𑁆𑀧𑀁 𑀲𑀕𑁆𑀕𑀫𑁆𑀳𑀺 𑀫𑁄𑀤𑀳𑀁.

𑁫𑁦. ‘‘𑀇𑀢𑁄 𑀩𑀸𑀢𑁆𑀢𑀺𑀁𑀲𑀓𑀧𑁆𑀧𑀫𑁆𑀳𑀺, 𑀲𑀼𑀲𑀼𑀤𑁆𑀥𑁄 𑀦𑀸𑀫 𑀔𑀢𑁆𑀢𑀺𑀬𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁫𑁧. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀩𑁆𑀪𑀸𑀭𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀩𑁆𑀪𑀸𑀭𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀧𑀤𑀼𑀫𑀓𑁂𑀲𑀭𑀯𑀕𑁆𑀕𑁄 𑀏𑀓𑀢𑀺𑀁𑀲𑀢𑀺𑀫𑁄.