𑁫. 𑀕𑁄𑀲𑀻𑀲𑀦𑀺𑀓𑁆𑀔𑁂𑀧𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁧. ‘‘𑀆𑀭𑀸𑀫𑀤𑁆𑀯𑀸𑀭𑀸 𑀦𑀺𑀓𑁆𑀔𑀫𑁆𑀫, 𑀕𑁄𑀲𑀻𑀲𑀁 𑀲𑀦𑁆𑀣𑀢𑀁 𑀫𑀬𑀸;

𑀅𑀦𑀼𑀪𑁄𑀫𑀺 𑀲𑀓𑀁 𑀓𑀫𑁆𑀫𑀁, 𑀧𑀼𑀩𑁆𑀩𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁.

𑁨𑁨. ‘‘𑀆𑀚𑀸𑀦𑀺𑀬𑀸 𑀯𑀸𑀢𑀚𑀯𑀸, 𑀲𑀺𑀦𑁆𑀥𑀯𑀸 𑀲𑀻𑀖𑀯𑀸𑀳𑀦𑀸;

𑀅𑀦𑀼𑀪𑁄𑀫𑀺 𑀲𑀩𑁆𑀩𑀫𑁂𑀢𑀁, 𑀕𑁄𑀲𑀻𑀲𑀲𑁆𑀲 𑀇𑀤𑀁 𑀨𑀮𑀁.

𑁨𑁩. ‘‘𑀅𑀳𑁄 𑀓𑀸𑀭𑀁 𑀧𑀭𑀫𑀓𑀸𑀭𑀁, 𑀲𑀼𑀔𑀢𑁆𑀢𑁂 𑀲𑀼𑀓𑀢𑀁 𑀫𑀬𑀸;

𑀲𑀗𑁆𑀖𑁂 𑀓𑀢𑀲𑁆𑀲 𑀓𑀸𑀭𑀲𑁆𑀲, 𑀦 𑀅𑀜𑁆𑀜𑀁 𑀓𑀮𑀫𑀕𑁆𑀖𑀢𑀺.

𑁨𑁪. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀲𑀻𑀲𑀁 𑀲𑀦𑁆𑀣𑀭𑀺𑀁 𑀅𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀲𑀦𑁆𑀣𑀭𑀲𑁆𑀲 𑀇𑀤𑀁 𑀨𑀮𑀁.

𑁨𑁫. ‘‘𑀧𑀜𑁆𑀘𑀲𑀢𑁆𑀢𑀢𑀺𑀓𑀧𑁆𑀧𑀫𑁆𑀳𑀺, 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀦𑀸𑀫𑀓𑁄;

𑀏𑀓𑁄 𑀆𑀲𑀺𑀁 𑀫𑀳𑀸𑀢𑁂𑀚𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁬. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀕𑁄𑀲𑀻𑀲𑀦𑀺𑀓𑁆𑀔𑁂𑀧𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀕𑁄𑀲𑀻𑀲𑀦𑀺𑀓𑁆𑀔𑁂𑀧𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.