𑁭. 𑀧𑀼𑀮𑀺𑀦𑀧𑀽𑀚𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁬𑁫. ‘‘𑀯𑀺𑀧𑀲𑁆𑀲𑀺𑀲𑁆𑀲 𑀪𑀕𑀯𑀢𑁄, 𑀩𑁄𑀥𑀺𑀬𑀸 𑀧𑀸𑀤𑀧𑀼𑀢𑁆𑀢𑀫𑁂;

𑀧𑀼𑀭𑀸𑀡𑀧𑀼𑀮𑀺𑀦𑀁 𑀳𑀺𑀢𑁆𑀯𑀸 [𑀙𑀟𑁆𑀟𑁂𑀢𑁆𑀯𑀸 (𑀲𑀻. 𑀲𑁆𑀬𑀸.)], 𑀲𑀼𑀤𑁆𑀥𑀧𑀼𑀮𑀺𑀦𑀫𑀸𑀓𑀺𑀭𑀺𑀁.

𑁧𑁬𑁬. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀮𑀺𑀦𑀫𑀤𑀸𑀲𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀼𑀮𑀺𑀦𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁧𑁬𑁭. ‘‘𑀢𑀺𑀁𑀲𑀢𑀺𑀫𑁂 [𑀢𑀺𑀧𑀜𑁆𑀜𑀸𑀲𑁂 (𑀲𑀻. 𑀲𑁆𑀬𑀸.)] 𑀇𑀢𑁄 𑀓𑀧𑁆𑀧𑁂, 𑀭𑀸𑀚𑀸 𑀆𑀲𑀺𑀁 𑀚𑀦𑀸𑀥𑀺𑀪𑀽;

𑀫𑀳𑀸𑀧𑀼𑀮𑀺𑀦𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁧𑁬𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄, 𑀯𑀺𑀫𑁄𑀓𑁆𑀔𑀸𑀧𑀺 𑀘 𑀅𑀝𑁆𑀞𑀺𑀫𑁂;

𑀙𑀴𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑀸, 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀼𑀮𑀺𑀦𑀧𑀽𑀚𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀼𑀮𑀺𑀦𑀧𑀽𑀚𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀲𑀢𑁆𑀢𑀫𑀁.