𑁪. 𑀏𑀓𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁬. ‘‘𑀤𑀓𑁆𑀔𑀺𑀡𑀫𑁆𑀳𑀺 𑀤𑀼𑀯𑀸𑀭𑀫𑁆𑀳𑀺, 𑀧𑀺𑀲𑀸𑀘𑁄 𑀆𑀲𑀳𑀁 𑀢𑀤𑀸;

𑀅𑀤𑁆𑀤𑀲𑀁 𑀯𑀺𑀭𑀚𑀁 𑀩𑀼𑀤𑁆𑀥𑀁, 𑀧𑀻𑀢𑀭𑀁𑀲𑀺𑀁𑀯 𑀪𑀸𑀡𑀼𑀫𑀁.

𑁧𑁭. ‘‘𑀯𑀺𑀧𑀲𑁆𑀲𑀺𑀲𑁆𑀲 𑀦𑀭𑀕𑁆𑀕𑀲𑁆𑀲, 𑀲𑀩𑁆𑀩𑀮𑁄𑀓𑀳𑀺𑀢𑁂𑀲𑀺𑀦𑁄;

𑀏𑀓𑀧𑀼𑀧𑁆𑀨𑀁 𑀫𑀬𑀸 𑀤𑀺𑀦𑁆𑀦𑀁, 𑀤𑁆𑀯𑀺𑀧𑀤𑀺𑀦𑁆𑀤𑀲𑁆𑀲 𑀢𑀸𑀤𑀺𑀦𑁄.

𑁧𑁮. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁧𑁯. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀏𑀓𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀏𑀓𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀘𑀢𑀼𑀢𑁆𑀣𑀁.