𑁧. 𑀧𑀡𑁆𑀡𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧. ‘‘𑀧𑀡𑁆𑀡𑀲𑀸𑀮𑁂 𑀦𑀺𑀲𑀺𑀦𑁆𑀦𑁄𑀫𑁆𑀳𑀺, 𑀧𑀡𑁆𑀡𑀪𑁄𑀚𑀦𑀪𑁄𑀚𑀦𑁄;

𑀉𑀧𑀯𑀺𑀝𑁆𑀞𑀜𑁆𑀘 𑀫𑀁 𑀲𑀦𑁆𑀢𑀁, 𑀉𑀧𑀸𑀕𑀘𑁆𑀙𑀺 𑀫𑀳𑀸𑀇𑀲𑀺 [𑀫𑀳𑀸𑀫𑀼𑀦𑀺 (𑀲𑀻.)].

𑁨. ‘‘𑀲𑀺𑀤𑁆𑀥𑀢𑁆𑀣𑁄 𑀮𑁄𑀓𑀧𑀚𑁆𑀚𑁄𑀢𑁄, 𑀲𑀩𑁆𑀩𑀮𑁄𑀓𑀢𑀺𑀓𑀺𑀘𑁆𑀙𑀓𑁄;

𑀢𑀲𑁆𑀲 𑀧𑀡𑁆𑀡𑀁 𑀫𑀬𑀸 𑀤𑀺𑀦𑁆𑀦𑀁, 𑀦𑀺𑀲𑀺𑀦𑁆𑀦𑀁 [𑀦𑀺𑀲𑀺𑀦𑁆𑀦𑀲𑁆𑀲 (𑀲𑁆𑀬𑀸. 𑀅𑀝𑁆𑀞.)] 𑀧𑀡𑁆𑀡𑀲𑀦𑁆𑀣𑀭𑁂.

𑁩. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀡𑁆𑀡𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀡𑁆𑀡𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄, 𑀯𑀺𑀫𑁄𑀓𑁆𑀔𑀸𑀧𑀺 𑀘 𑀅𑀝𑁆𑀞𑀺𑀫𑁂;

𑀙𑀴𑀪𑀺𑀜𑁆𑀜𑀸 𑀲𑀘𑁆𑀙𑀺𑀓𑀢𑀸, 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀡𑁆𑀡𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀡𑁆𑀡𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀞𑀫𑀁.