𑁭. 𑀘𑀺𑀢𑀓𑀧𑀽𑀚𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁭. ‘‘𑀘𑀦𑁆𑀤𑀪𑀸𑀕𑀸𑀦𑀤𑀻𑀢𑀻𑀭𑁂, 𑀅𑀦𑀼𑀲𑁄𑀢𑀁 𑀯𑀚𑀸𑀫𑀳𑀁;

𑀲𑀢𑁆𑀢 𑀫𑀸𑀮𑀼𑀯𑀧𑀼𑀧𑁆𑀨𑀸𑀦𑀺, 𑀘𑀺𑀢𑀫𑀸𑀭𑁄𑀧𑀬𑀺𑀁 𑀅𑀳𑀁.

𑁨𑁮. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀘𑀺𑀢𑀓𑀁 𑀬𑀫𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀘𑀺𑀢𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁨𑁯. ‘‘𑀲𑀢𑁆𑀢𑀲𑀝𑁆𑀞𑀺𑀫𑁆𑀳𑀺𑀢𑁄 𑀓𑀧𑁆𑀧𑁂, 𑀧𑀝𑀺𑀚𑀕𑁆𑀕𑀲𑀦𑀸𑀫𑀓𑀸;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑀸, 𑀲𑀢𑁆𑀢𑀸𑀲𑀼𑀁 𑀘𑀓𑁆𑀓𑀯𑀢𑁆𑀢𑀺𑀦𑁄 [𑀧𑀝𑀺𑀚𑀕𑁆𑀕𑀲𑀦𑀸𑀫𑀓𑁄; 𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄 (𑀲𑁆𑀬𑀸.)].

𑁩𑁦. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀘𑀺𑀢𑀓𑀧𑀽𑀚𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀘𑀺𑀢𑀓𑀧𑀽𑀚𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀲𑀢𑁆𑀢𑀫𑀁.