𑁮. 𑀆𑀮𑀼𑀯𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁧. ‘‘𑀧𑀩𑁆𑀩𑀢𑁂 𑀳𑀺𑀫𑀯𑀦𑁆𑀢𑀫𑁆𑀳𑀺, 𑀫𑀳𑀸𑀲𑀺𑀦𑁆𑀥𑀼 𑀲𑀼𑀤𑀲𑁆𑀲𑀦𑀸;

𑀢𑀢𑁆𑀣𑀤𑁆𑀤𑀲𑀁 𑀯𑀻𑀢𑀭𑀸𑀕𑀁, 𑀲𑀼𑀧𑁆𑀧𑀪𑀸𑀲𑀁 𑀲𑀼𑀤𑀲𑁆𑀲𑀦𑀁.

𑁩𑁨. ‘‘𑀧𑀭𑀫𑁄𑀧𑀲𑀫𑁂 𑀬𑀼𑀢𑁆𑀢𑀁, 𑀤𑀺𑀲𑁆𑀯𑀸 𑀯𑀺𑀫𑁆𑀳𑀺𑀢𑀫𑀸𑀦𑀲𑁄;

𑀆𑀮𑀼𑀯𑀁 𑀢𑀲𑁆𑀲 𑀧𑀸𑀤𑀸𑀲𑀺𑀁, 𑀧𑀲𑀦𑁆𑀦𑁄 𑀲𑁂𑀳𑀺 𑀧𑀸𑀡𑀺𑀪𑀺.

𑁩𑁩. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀨𑀮𑀫𑀤𑀤𑀺𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀆𑀮𑀼𑀯𑀲𑁆𑀲 𑀇𑀤𑀁 𑀨𑀮𑀁.

𑁩𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀆𑀮𑀼𑀯𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀆𑀮𑀼𑀯𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀅𑀝𑁆𑀞𑀫𑀁.