𑁪. 𑀅𑀩𑁆𑀪𑀜𑁆𑀚𑀦𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁪. ‘‘𑀓𑁄𑀡𑁆𑀟𑀜𑁆𑀜𑀲𑁆𑀲 𑀪𑀕𑀯𑀢𑁄, 𑀯𑀻𑀢𑀭𑀸𑀕𑀲𑁆𑀲 𑀢𑀸𑀤𑀺𑀦𑁄;

𑀆𑀓𑀸𑀲𑀲𑀫𑀘𑀺𑀢𑁆𑀢𑀲𑁆𑀲 [𑀅𑀓𑀓𑁆𑀓𑀲𑀘𑀺𑀢𑁆𑀢𑀲𑁆𑀲𑀸𑀣 (𑀅𑀝𑁆𑀞.)], 𑀦𑀺𑀧𑁆𑀧𑀧𑀜𑁆𑀘𑀲𑁆𑀲 𑀛𑀸𑀬𑀺𑀦𑁄.

𑁧𑁫. ‘‘𑀲𑀩𑁆𑀩𑀫𑁄𑀳𑀸𑀢𑀺𑀯𑀢𑁆𑀢𑀲𑁆𑀲, 𑀲𑀩𑁆𑀩𑀮𑁄𑀓𑀳𑀺𑀢𑁂𑀲𑀺𑀦𑁄;

𑀅𑀩𑁆𑀪𑀜𑁆𑀚𑀦𑀁 𑀫𑀬𑀸 𑀤𑀺𑀦𑁆𑀦𑀁, 𑀤𑁆𑀯𑀺𑀧𑀤𑀺𑀦𑁆𑀤𑀲𑁆𑀲 𑀢𑀸𑀤𑀺𑀦𑁄.

𑁧𑁬. ‘‘𑀅𑀧𑀭𑀺𑀫𑁂𑀬𑁆𑀬𑁂 𑀇𑀢𑁄 𑀓𑀧𑁆𑀧𑁂, 𑀅𑀩𑁆𑀪𑀜𑁆𑀚𑀦𑀫𑀤𑀁 𑀢𑀤𑀸 [𑀅𑀫𑁆𑀪𑀜𑁆𑀚𑀦𑀫𑀤𑀸𑀲𑀳𑀁 (𑀲𑁆𑀬𑀸.)];

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀅𑀩𑁆𑀪𑀜𑁆𑀚𑀦𑀲𑁆𑀲𑀺𑀤𑀁 𑀨𑀮𑀁.

𑁧𑁭. ‘‘𑀇𑀢𑁄 𑀧𑀦𑁆𑀦𑀭𑀲𑁂 𑀓𑀧𑁆𑀧𑁂, 𑀘𑀺𑀭𑀧𑁆𑀧𑁄 𑀦𑀸𑀫 𑀔𑀢𑁆𑀢𑀺𑀬𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁧𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀅𑀩𑁆𑀪𑀜𑁆𑀚𑀦𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀅𑀩𑁆𑀪𑀜𑁆𑀚𑀦𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀘𑀢𑀼𑀢𑁆𑀣𑀁.