𑁫. 𑀏𑀓𑀜𑁆𑀚𑀮𑀺𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁯. ‘‘𑀉𑀤𑀼𑀫𑁆𑀩𑀭𑁂 𑀯𑀲𑀦𑁆𑀢𑀲𑁆𑀲, 𑀦𑀺𑀬𑀢𑁂 𑀧𑀡𑁆𑀡𑀲𑀦𑁆𑀣𑀭𑁂;

𑀯𑀼𑀢𑁆𑀣𑁄𑀓𑀸𑀲𑁄 𑀫𑀬𑀸 𑀤𑀺𑀦𑁆𑀦𑁄, 𑀲𑀫𑀡𑀲𑁆𑀲 𑀫𑀳𑁂𑀲𑀺𑀦𑁄.

𑁨𑁦. ‘‘𑀢𑀺𑀲𑁆𑀲𑀲𑁆𑀲 𑀤𑁆𑀯𑀺𑀧𑀤𑀺𑀦𑁆𑀤𑀲𑁆𑀲, 𑀮𑁄𑀓𑀦𑀸𑀣𑀲𑁆𑀲 𑀢𑀸𑀤𑀺𑀦𑁄;

𑀅𑀜𑁆𑀚𑀮𑀺𑀁 𑀧𑀕𑁆𑀕𑀳𑁂𑀢𑁆𑀯𑀸𑀦, 𑀲𑀦𑁆𑀣𑀭𑀺𑀁 𑀧𑀼𑀧𑁆𑀨𑀲𑀦𑁆𑀣𑀭𑀁.

𑁨𑁧. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀓𑀭𑀺𑀁 𑀧𑀼𑀧𑁆𑀨𑀲𑀦𑁆𑀣𑀭𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀲𑀦𑁆𑀣𑀭𑀲𑁆𑀲 𑀇𑀤𑀁 𑀨𑀮𑀁.

𑁨𑁨. ‘‘𑀇𑀢𑁄 𑀘𑀼𑀤𑁆𑀤𑀲𑀓𑀧𑁆𑀧𑀫𑁆𑀳𑀺, 𑀅𑀳𑁄𑀲𑀺𑀁 𑀫𑀦𑀼𑀚𑀸𑀥𑀺𑀧𑁄;

𑀏𑀓𑀅𑀜𑁆𑀚𑀮𑀺𑀓𑁄 𑀦𑀸𑀫, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀏𑀓𑀜𑁆𑀚𑀮𑀺𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀏𑀓𑀜𑁆𑀚𑀮𑀺𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.