𑁩. 𑀘𑀗𑁆𑀓𑁄𑀝𑀓𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁦. ‘‘𑀫𑀳𑀸𑀲𑀫𑀼𑀤𑁆𑀤𑀁 𑀦𑀺𑀲𑁆𑀲𑀸𑀬, 𑀯𑀲𑀢𑀻 𑀧𑀩𑁆𑀩𑀢𑀦𑁆𑀢𑀭𑁂;

𑀧𑀘𑁆𑀘𑀼𑀕𑁆𑀕𑀦𑁆𑀢𑁆𑀯𑀸𑀦 𑀓𑀢𑁆𑀯𑀸𑀦 [𑀧𑀘𑁆𑀘𑀼𑀕𑁆𑀕𑀦𑁆𑀢𑁆𑀯𑀸𑀦’𑀓𑀸𑀲𑀳𑀁 (𑀅𑀝𑁆𑀞.), 𑀧𑀘𑁆𑀘𑀼𑀕𑁆𑀕𑀫𑀦𑀁 𑀓𑀢𑁆𑀯𑀸𑀦 (?)], 𑀘𑀗𑁆𑀓𑁄𑀝𑀓 [𑀘𑀗𑁆𑀕𑁄𑀝𑀓 (𑀲𑀻.)] 𑀫𑀤𑀸𑀲𑀳𑀁.

𑁧𑁧. ‘‘𑀲𑀺𑀤𑁆𑀥𑀢𑁆𑀣𑀲𑁆𑀲 𑀫𑀳𑁂𑀲𑀺𑀦𑁄, 𑀲𑀩𑁆𑀩𑀲𑀢𑁆𑀢𑀸𑀦𑀼𑀓𑀫𑁆𑀧𑀺𑀦𑁄 [𑀲𑀬𑀫𑁆𑀪𑀼𑀲𑁆𑀲𑀸𑀦𑀼𑀓𑀫𑁆𑀧𑀺𑀦𑁄 (𑀲𑁆𑀬𑀸.)];

𑀧𑀼𑀧𑁆𑀨𑀘𑀗𑁆𑀓𑁄𑀝𑀓𑀁 𑀤𑀢𑁆𑀯𑀸, 𑀓𑀧𑁆𑀧𑀁 𑀲𑀕𑁆𑀕𑀫𑁆𑀳𑀺 𑀫𑁄𑀤𑀳𑀁.

𑁧𑁨. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀘𑀗𑁆𑀓𑁄𑀝𑀓𑀫𑀤𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀘𑀗𑁆𑀓𑁄𑀝𑀓𑀲𑁆𑀲𑀺𑀤𑀁 𑀨𑀮𑀁.

𑁧𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀘𑀗𑁆𑀓𑁄𑀝𑀓𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀘𑀗𑁆𑀓𑁄𑀝𑀓𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.