𑁪. 𑀧𑀤𑀻𑀧𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁪. ‘‘𑀤𑁂𑀯𑀪𑀽𑀢𑁄 𑀅𑀳𑀁 𑀲𑀦𑁆𑀢𑁄, 𑀑𑀭𑀼𑀬𑁆𑀳 𑀧𑀣𑀯𑀺𑀁 𑀢𑀤𑀸;

𑀧𑀤𑀻𑀧𑁂 𑀧𑀜𑁆𑀘 𑀧𑀸𑀤𑀸𑀲𑀺𑀁, 𑀧𑀲𑀦𑁆𑀦𑁄 𑀲𑁂𑀳𑀺 𑀧𑀸𑀡𑀺𑀪𑀺.

𑁧𑁫. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀤𑀻𑀧𑀫𑀤𑀁 𑀢𑀤𑀸;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀤𑀻𑀧𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁧𑁬. ‘‘𑀧𑀜𑁆𑀘𑀧𑀜𑁆𑀜𑀸𑀲𑀓𑁂 𑀓𑀧𑁆𑀧𑁂, 𑀏𑀓𑁄 𑀆𑀲𑀺𑀁 𑀫𑀳𑀻𑀧𑀢𑀺;

𑀲𑀫𑀦𑁆𑀢𑀘𑀓𑁆𑀔𑀼𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁧𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀤𑀻𑀧𑀤𑀸𑀬𑀓𑁄 [𑀅𑀧𑀡𑁆𑀡𑀤𑀻𑀧𑀺𑀬𑁄 (𑀲𑀻. 𑀓.)] 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀤𑀻𑀧𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀘𑀢𑀼𑀢𑁆𑀣𑀁.