𑁫. 𑀩𑀺𑀴𑀸𑀮𑀺𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁮. ‘‘𑀳𑀺𑀫𑀯𑀦𑁆𑀢𑀲𑁆𑀲𑀸𑀯𑀺𑀤𑀽𑀭𑁂, 𑀭𑁄𑀫𑀲𑁄 𑀦𑀸𑀫 𑀧𑀩𑁆𑀩𑀢𑁄;

𑀢𑀫𑁆𑀳𑀺 𑀧𑀩𑁆𑀩𑀢𑀧𑀸𑀤𑀫𑁆𑀳𑀺, 𑀲𑀫𑀡𑁄 𑀪𑀸𑀯𑀺𑀢𑀺𑀦𑁆𑀤𑁆𑀭𑀺𑀬𑁄.

𑁧𑁯. ‘‘𑀩𑀺𑀴𑀸𑀮𑀺𑀬𑁄 𑀕𑀳𑁂𑀢𑁆𑀯𑀸𑀦, 𑀲𑀫𑀡𑀲𑁆𑀲 𑀅𑀤𑀸𑀲𑀳𑀁;

𑀅𑀦𑀼𑀫𑁄𑀤𑀺 𑀫𑀳𑀸𑀯𑀻𑀭𑁄, 𑀲𑀬𑀫𑁆𑀪𑀽 𑀅𑀧𑀭𑀸𑀚𑀺𑀢𑁄.

𑁨𑁦. ‘‘𑀩𑀺𑀴𑀸𑀮𑀻 𑀢𑁂 𑀫𑀫 𑀤𑀺𑀦𑁆𑀦𑀸, 𑀯𑀺𑀧𑁆𑀧𑀲𑀦𑁆𑀦𑁂𑀦 𑀘𑁂𑀢𑀲𑀸;

𑀪𑀯𑁂 𑀦𑀺𑀩𑁆𑀩𑀢𑁆𑀢𑀫𑀸𑀦𑀫𑁆𑀳𑀺, 𑀨𑀮𑀁 𑀦𑀺𑀩𑁆𑀩𑀢𑁆𑀢𑀢𑀁 𑀢𑀯.

𑁨𑁧. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀩𑀺𑀴𑀸𑀮𑀺𑀫𑀤𑀸𑀲𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀺𑀴𑀸𑀮𑀺𑀬𑀸 𑀇𑀤𑀁 𑀨𑀮𑀁.

𑁨𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀩𑀺𑀴𑀸𑀮𑀺𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀩𑀺𑀴𑀸𑀮𑀺𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.