𑁫. 𑀯𑁂𑀤𑀺𑀓𑀸𑀭𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁯. ‘‘𑀯𑀺𑀧𑀲𑁆𑀲𑀺𑀦𑁄 𑀪𑀕𑀯𑀢𑁄, 𑀩𑁄𑀥𑀺𑀬𑀸 𑀧𑀸𑀤𑀧𑀼𑀢𑁆𑀢𑀫𑁂;

𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀓𑀸𑀭𑁂𑀲𑀺𑀁 𑀯𑁂𑀤𑀺𑀓𑀁 𑀅𑀳𑀁.

𑁨𑁦. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀓𑀸𑀭𑁂𑀲𑀺𑀁 𑀯𑁂𑀤𑀺𑀓𑀁 𑀅𑀳𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀯𑁂𑀤𑀺𑀓𑀸𑀬 𑀇𑀤𑀁 𑀨𑀮𑀁.

𑁨𑁧. ‘‘𑀇𑀢𑁄 𑀏𑀓𑀸𑀤𑀲𑁂 𑀓𑀧𑁆𑀧𑁂, 𑀅𑀳𑁄𑀲𑀺𑀁 𑀲𑀽𑀭𑀺𑀬𑀲𑁆𑀲𑀫𑁄;

𑀲𑀢𑁆𑀢𑀭𑀢𑁆𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀯𑁂𑀤𑀺𑀓𑀸𑀭𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀯𑁂𑀤𑀺𑀓𑀸𑀭𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀧𑀜𑁆𑀘𑀫𑀁.