𑁬. 𑀲𑀦𑁆𑀥𑀺𑀢𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁭. ‘‘𑀅𑀲𑁆𑀲𑀢𑁆𑀣𑁂 𑀳𑀭𑀺𑀢𑁄𑀪𑀸𑀲𑁂, 𑀲𑀁𑀯𑀺𑀭𑀽𑀴𑁆𑀳𑀫𑁆𑀳𑀺 𑀧𑀸𑀤𑀧𑁂;

𑀏𑀓𑀁 𑀩𑀼𑀤𑁆𑀥𑀕𑀢𑀁 𑀲𑀜𑁆𑀜𑀁, 𑀅𑀮𑀪𑀺𑀁𑀳𑀁 [𑀅𑀮𑀪𑀺𑀲𑁆𑀲𑀁 (𑀲𑀻.)] 𑀧𑀢𑀺𑀲𑁆𑀲𑀢𑁄.

𑁨𑁮. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀲𑀜𑁆𑀜𑀫𑀮𑀪𑀺𑀁 𑀢𑀤𑀸;

𑀢𑀲𑁆𑀲𑀸 𑀲𑀜𑁆𑀜𑀸𑀬 𑀯𑀸𑀳𑀲𑀸, 𑀧𑀢𑁆𑀢𑁄 𑀫𑁂 𑀆𑀲𑀯𑀓𑁆𑀔𑀬𑁄.

𑁨𑁯. ‘‘𑀇𑀢𑁄 𑀢𑁂𑀭𑀲𑀓𑀧𑁆𑀧𑀫𑁆𑀳𑀺, 𑀥𑀦𑀺𑀝𑁆𑀞𑁄 𑀦𑀸𑀫 𑀔𑀢𑁆𑀢𑀺𑀬𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁩𑁦. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀦𑁆𑀥𑀺𑀢𑁄 [𑀲𑀡𑁆𑀞𑀺𑀢𑁄 (𑀲𑀻.)] 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀦𑁆𑀥𑀺𑀢𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.