𑁧𑁦. 𑀧𑀸𑀧𑀦𑀺𑀯𑀸𑀭𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁫𑁧. ‘‘𑀧𑀺𑀬𑀤𑀲𑁆𑀲𑀺𑀲𑁆𑀲 𑀪𑀕𑀯𑀢𑁄, 𑀘𑀗𑁆𑀓𑀫𑀁 𑀲𑁄𑀥𑀺𑀢𑀁 𑀫𑀬𑀸;

𑀦𑀴𑀓𑁂𑀳𑀺 𑀧𑀝𑀺𑀘𑁆𑀙𑀦𑁆𑀦𑀁, 𑀯𑀸𑀢𑀸𑀢𑀧𑀦𑀺𑀯𑀸𑀭𑀡𑀁.

𑁫𑁨. ‘‘𑀧𑀸𑀧𑀁 𑀯𑀺𑀯𑀚𑁆𑀚𑀦𑀢𑁆𑀣𑀸𑀬, 𑀓𑀼𑀲𑀮𑀲𑁆𑀲𑀼𑀧𑀲𑀫𑁆𑀧𑀤𑀸;

𑀓𑀺𑀮𑁂𑀲𑀸𑀦𑀁 𑀧𑀳𑀸𑀦𑀸𑀬, 𑀧𑀤𑀳𑀺𑀁 𑀲𑀢𑁆𑀣𑀼 𑀲𑀸𑀲𑀦𑁂.

𑁫𑁩. ‘‘𑀇𑀢𑁄 𑀏𑀓𑀸𑀤𑀲𑁂 𑀓𑀧𑁆𑀧𑁂, 𑀅𑀕𑁆𑀕𑀺𑀤𑁂𑀯𑁄𑀢𑀺 𑀯𑀺𑀲𑁆𑀲𑀼𑀢𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁫𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀸𑀧𑀦𑀺𑀯𑀸𑀭𑀺𑀬𑁄 [𑀯𑀸𑀢𑀸𑀢𑀧𑀦𑀺𑀯𑀸𑀭𑀺𑀬𑁄 (?)] 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀸𑀧𑀦𑀺𑀯𑀸𑀭𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀳𑀢𑁆𑀣𑀺𑀯𑀕𑁆𑀕𑁄 𑀩𑀸𑀯𑀻𑀲𑀢𑀺𑀫𑁄.