𑁬. 𑀉𑀤𑀓𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁫. ‘‘𑀪𑀼𑀜𑁆𑀚𑀦𑁆𑀢𑀁 𑀲𑀫𑀡𑀁 𑀤𑀺𑀲𑁆𑀯𑀸, 𑀯𑀺𑀧𑁆𑀧𑀲𑀦𑁆𑀦𑀫𑀦𑀸𑀯𑀺𑀮𑀁;

𑀖𑀝𑁂𑀦𑁄𑀤𑀓𑀫𑀸𑀤𑀸𑀬, 𑀲𑀺𑀤𑁆𑀥𑀢𑁆𑀣𑀲𑁆𑀲 𑀅𑀤𑀸𑀲𑀳𑀁.

𑁨𑁬. ‘‘𑀦𑀺𑀫𑁆𑀫𑀮𑁄 𑀳𑁄𑀫𑀳𑀁 𑀅𑀚𑁆𑀚, 𑀯𑀺𑀫𑀮𑁄 𑀔𑀻𑀡𑀲𑀁𑀲𑀬𑁄;

𑀪𑀯𑁂 𑀦𑀺𑀩𑁆𑀩𑀢𑁆𑀢𑀫𑀸𑀦𑀫𑁆𑀳𑀺, 𑀨𑀮𑀁 𑀦𑀺𑀩𑁆𑀩𑀢𑁆𑀢𑀢𑁂 𑀫𑀫 [𑀲𑀼𑀪𑀁 (𑀲𑀻.)].

𑁨𑁭. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀉𑀤𑀓𑀁 𑀬𑀫𑀤𑀸𑀲𑀳𑀁 [𑀬𑀁 𑀢𑀤𑀸 𑀅𑀤𑀁 (𑀲𑀻.), 𑀅𑀤𑀤𑀺𑀁 𑀢𑀤𑀸 (𑀲𑁆𑀬𑀸.)];

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀤𑀓𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁨𑁮. ‘‘𑀏𑀓𑀲𑀝𑁆𑀞𑀺𑀫𑁆𑀳𑀺𑀢𑁄 𑀓𑀧𑁆𑀧𑁂, 𑀏𑀓𑁄𑀯 𑀯𑀺𑀫𑀮𑁄 𑀅𑀳𑀼;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁯. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀉𑀤𑀓𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀉𑀤𑀓𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.