𑁯. 𑀲𑀼𑀓𑀢𑀸𑀯𑁂𑀴𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁪𑁩. ‘‘𑀅𑀲𑀺𑀢𑁄 𑀦𑀸𑀫 𑀦𑀸𑀫𑁂𑀦, 𑀫𑀸𑀮𑀸𑀓𑀸𑀭𑁄 𑀅𑀳𑀁 [𑀅𑀳𑀼𑀁 (?)] 𑀢𑀤𑀸;

𑀆𑀯𑁂𑀴𑀁 𑀧𑀕𑁆𑀕𑀳𑁂𑀢𑁆𑀯𑀸𑀦, 𑀭𑀜𑁆𑀜𑁄 𑀤𑀸𑀢𑀼𑀁 𑀯𑀚𑀸𑀫𑀳𑀁.

𑁪𑁪. ‘‘𑀅𑀲𑀫𑁆𑀧𑀢𑁆𑀢𑁄𑀫𑁆𑀳𑀺 [𑀅𑀲𑀫𑁆𑀧𑀢𑁆𑀢𑀫𑁆𑀳𑀺 (𑀲𑀻.), 𑀅𑀲𑀫𑁆𑀧𑀢𑁆𑀢𑁄𑀯 (?)] 𑀭𑀸𑀚𑀸𑀦𑀁, 𑀅𑀤𑁆𑀤𑀲𑀁 𑀲𑀺𑀔𑀺𑀦𑀸𑀬𑀓𑀁;

𑀳𑀝𑁆𑀞𑁄 𑀳𑀝𑁆𑀞𑁂𑀦 𑀘𑀺𑀢𑁆𑀢𑁂𑀦, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁪𑁫. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁪𑁬. ‘‘𑀧𑀜𑁆𑀘𑀯𑀻𑀲𑁂 𑀇𑀢𑁄 𑀓𑀧𑁆𑀧𑁂, 𑀭𑀸𑀚𑀸𑀳𑁄𑀲𑀺𑀁 𑀫𑀳𑀩𑁆𑀩𑀮𑁄;

𑀯𑁂𑀪𑀸𑀭𑁄 𑀦𑀸𑀫 𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁪𑁭. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀼𑀓𑀢𑀸𑀯𑁂𑀴𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀼𑀓𑀢𑀸𑀯𑁂𑀴𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀦𑀯𑀫𑀁.