𑁬. 𑀅𑀗𑁆𑀓𑁄𑀮𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁨𑁯. ‘‘𑀦𑀸𑀭𑀤𑁄 [𑀯𑀭𑀤𑁄 (𑀓.)] 𑀇𑀢𑀺 𑀫𑁂 𑀦𑀸𑀫𑀁, 𑀓𑀲𑁆𑀲𑀧𑁄 𑀇𑀢𑀺 𑀫𑀁 𑀯𑀺𑀤𑀽;

𑀅𑀤𑁆𑀤𑀲𑀁 𑀲𑀫𑀡𑀸𑀦𑀕𑁆𑀕𑀁, 𑀯𑀺𑀧𑀲𑁆𑀲𑀺𑀁 𑀤𑁂𑀯𑀲𑀓𑁆𑀓𑀢𑀁.

𑁩𑁦. ‘‘𑀅𑀦𑀼𑀩𑁆𑀬𑀜𑁆𑀚𑀦𑀥𑀭𑀁 𑀩𑀼𑀤𑁆𑀥𑀁, 𑀆𑀳𑀼𑀢𑀻𑀦𑀁 𑀧𑀝𑀺𑀕𑁆𑀕𑀳𑀁;

𑀅𑀗𑁆𑀓𑁄𑀮𑀧𑀼𑀧𑁆𑀨𑀁 [𑀯𑀓𑀼𑀮𑀧𑀼𑀧𑁆𑀨𑀁 (𑀲𑁆𑀬𑀸.), 𑀩𑀓𑁄𑀮𑀧𑀼𑀧𑁆𑀨𑀁 (𑀓.)] 𑀧𑀕𑁆𑀕𑀬𑁆𑀳, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁩𑁧. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁩𑁨. ‘‘𑀘𑀢𑀼𑀲𑀢𑁆𑀢𑀢𑀺𑀢𑁄 𑀓𑀧𑁆𑀧𑁂, 𑀭𑁄𑀫𑀲𑁄 𑀦𑀸𑀫 𑀔𑀢𑁆𑀢𑀺𑀬𑁄;

𑀆𑀫𑀼𑀓𑁆𑀓𑀫𑀸𑀮𑀸𑀪𑀭𑀡𑁄, 𑀲𑀬𑁄𑀕𑁆𑀕𑀩𑀮𑀯𑀸𑀳𑀦𑁄.

𑁩𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀅𑀗𑁆𑀓𑁄𑀮𑀧𑀼𑀧𑁆𑀨𑀺𑀬𑁄 [𑀯𑀓𑀼𑀮𑀧𑀼𑀧𑁆𑀨𑀺𑀬𑁄 (𑀲𑁆𑀬𑀸.), 𑀩𑀓𑁄𑀮𑀧𑀼𑀧𑁆𑀨𑀺𑀬𑁄 (𑀓.)] 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀅𑀗𑁆𑀓𑁄𑀮𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.