𑁬. 𑀩𑁄𑀥𑀺𑀉𑀧𑀝𑁆𑀞𑀸𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁩𑁦. ‘‘𑀦𑀕𑀭𑁂 𑀭𑀫𑁆𑀫𑀯𑀢𑀺𑀬𑀸, 𑀆𑀲𑀺𑀁 𑀫𑀼𑀭𑀚𑀯𑀸𑀤𑀓𑁄;

𑀦𑀺𑀘𑁆𑀘𑀼𑀧𑀝𑁆𑀞𑀸𑀦𑀬𑀼𑀢𑁆𑀢𑁄𑀫𑁆𑀳𑀺, 𑀕𑀢𑁄𑀳𑀁 𑀩𑁄𑀥𑀺𑀫𑀼𑀢𑁆𑀢𑀫𑀁.

𑁩𑁧. ‘‘𑀲𑀸𑀬𑀁 𑀧𑀸𑀢𑀁 𑀉𑀧𑀝𑁆𑀞𑀺𑀢𑁆𑀯𑀸, 𑀲𑀼𑀓𑁆𑀓𑀫𑀽𑀮𑁂𑀦 𑀘𑁄𑀤𑀺𑀢𑁄;

𑀅𑀝𑁆𑀞𑀸𑀭𑀲𑀓𑀧𑁆𑀧𑀲𑀢𑁂, 𑀤𑀼𑀕𑁆𑀕𑀢𑀺𑀁 𑀦𑀼𑀧𑀧𑀚𑁆𑀚𑀳𑀁.

𑁩𑁨. ‘‘𑀧𑀦𑁆𑀦𑀭𑀲𑁂 𑀓𑀧𑁆𑀧𑀲𑀢𑁂, 𑀇𑀢𑁄 𑀆𑀲𑀺𑀁 𑀚𑀦𑀸𑀥𑀺𑀧𑁄;

𑀫𑀼𑀭𑀚𑁄 [𑀤𑀫𑀣𑁄 (𑀲𑁆𑀬𑀸.)] 𑀦𑀸𑀫 𑀦𑀸𑀫𑁂𑀦, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁩𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀩𑁄𑀥𑀺𑀉𑀧𑀝𑁆𑀞𑀸𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀩𑁄𑀥𑀺𑀉𑀧𑀝𑁆𑀞𑀸𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀙𑀝𑁆𑀞𑀁.